1 Mbai 15:2 - Mbeti ti Nzapa - Tënë so amu fini

² Tongaso lo tene: “Gi azo ti mara ti Lévi laa ayeke yo sanduku ti mbuki ti Nzapa, ngbanga ti so ala laa *KOTA GBIA asoro ala titene ala yo ni nga titene ala sara kua na lo kpu na kpu.”

1 Mbai 15:2 ပူးပေါင်းရင်းမြစ်များ

2 Samuel 6:13

So azo so ayo sanduku ti mbuki ti KOTA GBIA abi gere ti ala fani omene awe, David amu koli-bagara oko na mbeni kete bagara ti mafuta na *sandaga na Nzapa.

2 Mbai 35:3

Na pekoni, lo tene na azo ti mara ti Lévi so a zia ala nde ndali ti KOTA GBIA si ala yeke fa ye na azo ti Israel, lo tene: “Sanduku ti *mbuki so ayeke nde si ayeke nzoni kue so, ala zia ni na ya ti kota da ti Nzapa, da so Salomon, molenge ti David, gbia ti Israel asara ando so; fade ala yeke kiri ti yo ni na ndö ti go ti ala pepe. Fadeso ala sara kua na KOTA GBIA, Nzapa ti ala, ala sara nga kua na azo ti Israel, azo ti lo.

Sigingo 25:14

Ala yeke yoro akeke ni na ya ti akati ni so ayeke na tere ti sanduku ni mbage na mbage titene a yo na ni.

Ésaïe 66:21

Ataa na popo ti amara ni, mbi yeke soro ambeni ti ga awayango-sandaga, mbi yeke soro ambeni ti ga tongana azo ti mara ti Lévi; tënë so KOTA GBIA atene laa.”

Wungo ti azo 3:6

“Mo tene na azo ti mara ti Lévi ti ga nduru na tere ti mo; mo zia ala na gbe ti wayango-sandaga Aaron titene ala mu maboko na lo.

Wungo ti azo 3:9

Fade mo yeke mu azo ti mara ti Lévi ti zia ala na gbe ti Aaron nga na gbe ti amolenge ti lo; a yeke mu ala na popo ti azo ti Israel si a yeke mu ala biani biani na Aaron nga na amolenge ti lo.

Wungo ti azo 7:9

Me Moïse amu ye oko na amolenge ti Kehat pepe, ngbanga ti so kua ti ala ayeke ti yo na ndö ti go ti ala aye so a zia nde ndali ti Nzapa.

Ndia ti fani use ni 10:8

Na ngoi ni so, KOTA GBIA azia azo ti mara ti Lévi nde titene ala yo sanduku ti mbuki ti lo, ala luti na dawa ti KOTA GBIA ti sara kua ti lo, ti sara tufa na ndö ti azo na iri ti lo. Azo ti mara ti Lévi angba ti sara akua so ngbii asi laso.

Ndia ti fani use ni 31:9

Moïse asu *Ndia ti Nzapa so na mbeti si lo mu ni na awayango-sandaga, *ahale ti Lévi so kua ti ala ayeke ti yo sanduku ti *mbuki ti *KOTA GBIA; lo mu ni nga na *akangba kue ti Israel.

Josué 3:3

si ala mu yanga na azo ni, atene: “Tongana ala baa awayango-sandaga so ayeke azo ti mara ti Lévi na yongo sanduku ti *mbuki ti *KOTA GBIA, Nzapa ti ala, ayeke nzoni ala londo na ndo so ala yeke daa so, ala mu peko ti sanduku ti mbuki ni.

Josué 6:6

Josué, molenge ti Nune, airi awayango-sandaga ni si lo tene na ala: “Ala yo sanduku ti mbuki si ambeni zo mbarambara na popo ti ala amu didi mbarambara ti akoli-taba, ala tambula na dawa ti sanduku ti mbuki ti KOTA GBIA.”