1 Mbai 15:19 - Mbeti ti Nzapa - Tënë so amu fini

¹⁹ Azo ti hengo bia ayeke Heman, Asaf na Etan; ala yeke pika wen so a leke na bengba wen si ayeke toto ngangu;

1 Mbai 15:19 ပူးပေါင်းရင်းမြစ်များ

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 15:16

Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 15:18

Azo so ayeke na tere ti ala ti mu maboko na ala ayeke a-ita ti ala, azo ti batango ayanga ti gbagba tongana: Zakarii, Ben, Yaziel, Shemiramot, Yehiel, Uni, Eliab, Benaya, Maaseya, Matitia, Eliflehu, Mikneya, Obed-Edom na Yeiel.

1 Mbai 15:20

Zakarii, Aziel, Shemiramot, Yehiel, Uni, Eliab, Maaseya na Benaya ayeke pika kundi so go ni atoto na nduzu;

1 Mbai 16:42

Heman na Yedutun ayeke huru tatalita, ala yeke pika wen so atoto mingi na ambeni ye ti mozoko so ala yeke he na abia ti Nzapa. Kua ti amolenge ti Yedutun ayeke ti bata ayanga ti gbagba.

1 Mbai 16:5

Asaf ayeke makonzi ti ala, Zakarii ayeke mu maboko na lo; Yeiel, Shemiramot, Yehiel, Matitia, Eliab, Benaya, Obed-Edom nga na Yeiel ayeke pika ti ala kete kundi na kota kundi si Asaf ayeke pika ti lo wen.

1 Mbai 25:1

David na amakonzi ti abongbi azia ambeni *hale ti Asaf, ti Heman na ti Yedutun nde ti sara kua ti Nzapa. Ala yeke he bia ti tene atënë so alondo na Nzapa si ala yeke pika na gbe ni akundi, akete kundi nga na awen so ayeke toto. Iri ti azo so a mu ala ndali ti kua ni ayeke so:

1 Mbai 25:6

Ala kue ayeke he bia na ya ti kota da ti KOTA GBIA na gbe ti babâ ti ala si ala yeke pika na gbe ni awen so ayeke toto, akete kundi na akundi. Ala yeke sara kua ni na gbe ti Asaf, ti Yedutun na ti Heman, alingbi na yanga so gbia amu.

2 Mbai 20:19

Na pekoni, azo ti mara ti Lévi, ala so ayeke ahale ti Kehat, na ahale ti Kore alondo ti gonda KOTA GBIA, Nzapa ti Israel na kota go mingi.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Abia (Psaumes) 150:5

Ala sepela lo na wen so atoto mingi, ala sepela lo na wen so atoto ngangu!

Abia (Psaumes) 81:3

Ala pika mozoko, ala pika kete ngo, kundi so ayeke sara mozoko pendere, ala pika ni, ala pika kota kundi.