1 Mbai 15:16 - Mbeti ti Nzapa - Tënë so amu fini

¹⁶ Tongaso, David atene na amakonzi ti azo ti mara ti Lévi ti zia na yanga ti kua, a-ita ti ala so ayeke he bia si ala yeke pika mozoko na gbe ni; ala yeke pika kota kundi, kete kundi na wen. Lo tene nga na ala ti pika mozoko ni ngangu ti fa ngia ti be ti ala.

1 Mbai 15:16 ပူးပေါင်းရင်းမြစ်များ

1 Mbai 13:8

David na azo ti Israel kue afa ngia ti ala na dawa ti Nzapa na ngangu ti ala kue. Ala yeke he bia na aye ti mozoko tongana akota kundi, akete kundi, akete ngo, awen so atoto nga na atatalita.

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 16:42

Heman na Yedutun ayeke huru tatalita, ala yeke pika wen so atoto mingi na ambeni ye ti mozoko so ala yeke he na abia ti Nzapa. Kua ti amolenge ti Yedutun ayeke ti bata ayanga ti gbagba.

1 Mbai 16:5

Asaf ayeke makonzi ti ala, Zakarii ayeke mu maboko na lo; Yeiel, Shemiramot, Yehiel, Matitia, Eliab, Benaya, Obed-Edom nga na Yeiel ayeke pika ti ala kete kundi na kota kundi si Asaf ayeke pika ti lo wen.

1 Mbai 23:5

azo 4 000 tongana azo ti batango yanga ti da si azo 4 000 ti sepela KOTA GBIA na aye ti mozoko so lo leke ndali ni.

1 Mbai 6:16

David azia na maboko ti ambeni hale ti Lévi, kua ti hengo bia na ya ti da ti *KOTA GBIA, na ndembe so a yeke zia sanduku ti Nzapa na ya ni.

2 Mbai 20:19

Na pekoni, azo ti mara ti Lévi, ala so ayeke ahale ti Kehat, na ahale ti Kore alondo ti gonda KOTA GBIA, Nzapa ti Israel na kota go mingi.

2 Mbai 30:12

Na sese ti Juda nga, Nzapa asara si be ti azo ni aga oko, ala yeda ti ma yanga so gbia na amakonzi ti lo amu, alingbi na tënë ti KOTA GBIA.

2 Mbai 5:12

Azo ti mara ti Lévi so ayeke azo ti hengo bia, Asaf, Heman, Yedutun, ala na amolenge ti ala nga na a-ita ti ala ayu abongo ti *len. Ala luti na tere ti gbalaka, na mbage ti To, ala gbu na maboko ti ala ngo, akota kundi na akete kundi. Awayango-sandaga ngbangbo oko na baleuse ayeke huru tatalita nduru na ala.

2 Mbai 5:13

Azo ti hurungo tatalita na azo ti hengo bia abongbi tere ti ala kue ti sepela na ti gonda KOTA GBIA. Na ndembe so toto ti tatalita, ti ngo na ti aye ti mozoko alondo, ala yeke sepela KOTA GBIA, atene: “E mu singila na KOTA GBIA, ngbanga ti so lo yeke nzoni; nzoni be ti lo angba kpu na kpu!” Tongaso, mbinda asi singo na ya ti kota da ni, da ti KOTA GBIA.

2 Mbai 7:6

Awayango-sandaga aluti na ndo ti kua ti ala; azo ti mara ti Lévi aluti nga si ala yeke pika aye ti mozoko so David aleke ndali ti KOTA GBIA; ala yeke sepela KOTA GBIA, alingbi na bia so David azia na ala; ala tene: “Biani, nzoni be ti lo angba kpu na kpu!” Awayango-sandaga aluti na dawa ti ala si ala yeke huru atatalita; azo ti Israel kue aluti na nduzu.

Néhémie 12:27

So ala hunzi ti leke gbagba ti Jérusalem awe, a tokua titene a iri azo ti mara ti Lévi so ayeke lango na ando nde nde ti ga na Jérusalem ti sara matanga ti ziango gbagba ti gbata ni nde ndali ti Nzapa. Ala sara matanga ni na ngia, na lege ti abia ti sepelango Nzapa, na lege ti pikango ngo, akota kundi na akete kundi.

Néhémie 12:36

Zakarii na a-ita ti lo Shemaya, Azarel, Milalai, Gilalai, Maai, Nataneel, Yehuda na Hanani ayeke tambula na peko ti ala. Ala yo agbakuru ti mozoko so David, zo ti Nzapa aleke ni. Esdras, wafango-ndia ayeke na li ti kozo bongbi ti azo ti hengo bia ni.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Néhémie 12:46

Biani ando giriri, na ngoi ti David na ti zo ti hengo bia Asaf, amakonzi ti azo ti hengo bia aduti na li ti azo so ayeke he bia ti sepelango Nzapa na ti mungo singila na lo.

Abia (Psaumes) 100:1

Bia ti mungo singila. Ala azo ti sese kue, ala dekongo na ngia na *KOTA GBIA!

Abia (Psaumes) 149:3

Ayeke nzoni ala dodo ti sepela iri ti lo; ala pika ngo na kundi ti gonda lo.

Abia (Psaumes) 150:5

Ala sepela lo na wen so atoto mingi, ala sepela lo na wen so atoto ngangu!

Abia (Psaumes) 81:1

Bia ti Asaf; bia so ayeke ndali ti makonzi-bia. A he ni na mara ti kundi ti azo ti gbata ti Gat.

Abia (Psaumes) 81:3

Ala pika mozoko, ala pika kete ngo, kundi so ayeke sara mozoko pendere, ala pika ni, ala pika kota kundi.

Abia (Psaumes) 87:7

Azo ni ayeke dodo, ala yeke he bia, atene: “O gbata ti Nzapa, anzoni ye ti mbi kue alondo na mo!”

Abia (Psaumes) 95:1

Ala ga, e dekongo na ngia na *KOTA GBIA, e pika maboko na li ti lo so lo yeke Kota Têne so e kpe daa ti soo kuâ.

Sigingo 15:20

Tongaso Miriam, wayanga-Nzapa, ita ti Aaron ti wali amu kete ngo. Awali ti Israel kue amu peko ti lo, ala yeke pika kete ngo si ala yeke dodo.

Ésaïe 49:23

Agbia ayeke ga ababâ ti batango ala, amolenge ti agbia ti wali ayeke ga amama ti batango ala. Agbia ni ayeke kuku, akpo li ti ala na sese na dawa ti mo, ala yeke su sese so ayeke na tere ti gere ti mo. Tongaso fade mo yeke hinga, mo tene: mbi yeke KOTA GBIA; azo so azia be ti ala na ndö ti mbi, kamene ayeke gbu le ti ala pepe.”

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Amos 6:5

Ala yeke pika kundi kirikiri ti he na bia. Titene ala sara ye tongana David, ala yeke sigigi na afini ye ti mozoko.

Awatokua 14:23

Paul na Barnabas asoro *akangba si azia ala na li ti *a-Eglize ni oko oko kue. Na peko ti so ala ke kobe si ala sambela, ala zia akangba ni na maboko ti *Kota Gbia, lo so ala ma na be na lo.

2 Timothée 2:2

Ye so mo ma na yanga ti mbi na le ti azo mingi, mo zia na maboko ti azo so alingbi ti bata ni mbirimbiri, ala so alingbi ti kiri ti fa ni na ambeni zo.

Tite 1:5

Mbi zia mo na zoa ti Krete titene mo leke tanga ti gere ti kua ni si mo zia nga *akangba na ndö ti a-Eglize so ayeke na ya ti agbata ni oko oko kue. Ayeke nzoni mo sara aye ni tongana ti so mbi fa na mo.