1 Mbai 15:14 - Mbeti ti Nzapa - Tënë so amu fini

¹⁴ Awayango-sandaga na azo ti mara ti Lévi *asukula sioni ti ala titene ala gue, ayo sanduku ti mbuki ti KOTA GBIA, Nzapa ti Israel.

1 Mbai 15:14 ပူးပေါင်းရင်းမြစ်များ

1 Mbai 15:12

Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 15:15

Azo ti mara ti Lévi amu ayongoro keke si ala yo na sanduku ti mbuki ti Nzapa na ndö ti go ti ala alingbi na yanga so Moïse amu, alingbi nga na tënë ti KOTA GBIA.

2 Mbai 29:15

Ala bongbi a-ita ti ala, ala *sukula sioni ti ala. Na pekoni, gbia amu yanga na ala alingbi na tënë ti KOTA GBIA si ala ga na ya ti kota da ti KOTA GBIA ti zi *asioni ti da ni.

2 Mbai 29:34

Me wungo ti awayango-sandaga ni ayeke kete mingi ti zi poro ti anyama so kue a yeke mu na sandaga so a yeke gbi ni kue na wâ; nilaa a-ita ti ala, azo ti mara ti Lévi, amu maboko na ala ngbii kua ni ahunzi, ti ku titene ambeni wayango-sandaga *asukula sioni na tere ti ala si. Biani, azo ti mara ti Lévi aleke be ti ala ti sukula sioni ti ala ahon awayango-sandaga.

2 Mbai 5:11

Awayango-sandaga alondo na ndo so ayeke nde si ayeke nzoni kue si ala sigigi. Awayango-sandaga so kue ayeke daa na ngoi ni so *asukula sioni ti ala, me na lege ti molongo ti ala pepe.

Néhémie 12:30

Awayango-sandaga na azo ti mara ti Lévi *asukula sioni ti ala wani, ala sukula sioni ti azo ni nga na sioni ti ayanga ti gbagba ti gbata ni.

Awayango-sandaga 10:3

Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.