1 Mbai 15:12 - Mbeti ti Nzapa - Tënë so amu fini

¹² Lo tene na ala: “Ala so ayeke amakonzi ti sewa ti mara ti Lévi, ayeke nzoni ala na a-ita ti ala, ala zia tere ti ala nde ndali ti Nzapa, na pekoni ala gue, amu sanduku ti mbuki ti KOTA GBIA, Nzapa ti Israel, ala zia na ndo so mbi leke ndali ni.

1 Mbai 15:12 ပူးပေါင်းရင်းမြစ်များ

1 Mbai 15:1

David asara ada ndali ti lo wani na Gbata ti David. Lo leke mbeni ndo ndali ti sanduku ti *mbuki ti Nzapa si lo kpo na nduzu mbeni da ti bongo ndali ti sanduku ni.

1 Mbai 15:14

Awayango-sandaga na azo ti mara ti Lévi *asukula sioni ti ala titene ala gue, ayo sanduku ti mbuki ti KOTA GBIA, Nzapa ti Israel.

1 Mbai 15:3

David abongbi azo ti Israel kue na Jérusalem titene ala mu sanduku ti mbuki ni ague na ni na ndo so lo leke ndali ni.

1 Mbai 16:1

Na peko ti so ala ga na sanduku ti mbuki ti Nzapa, ala zia ni na gbe ti da ti bongo so David aleke ndali ni. Ala mu *asandaga so ayeke gbi ni kue na wâ nga na asandaga ti beoko na Nzapa.

1 Mbai 24:31

Tongana ti so a-ita ti ala, ahale ti Aaron asara, ala nga abi mbeni ye ti baa na lege ti kua ti ala. Ala sara ye ni na dawa ti gbia David, lo na Sadok, Ahimelek, amakonzi ti asewa ti awayango-sandaga nga na azo ti mara ti Lévi. Tongaso, kua so a mu na kota zo ti sewa, gi ni laa a mu na ngambe ni.

1 Mbai 9:34

So ayeke amakonzi ti asewa ti azo ti mara ti Lévi, akota zo na li ti asewa ti ala na lege ti molongo ti dungo ala laa. Ala yeke lango na Jérusalem.

2 Mbai 1:2

Salomon abongbi azo ti Israel kue, amakonzi so ayeke na ndö ti aturugu 1 000, ala so ayeke na ndö ti aturugu 100, awafango-ngbanga nga na amakonzi kue ti azo ti Israel, so ti tene amakonzi ti asewa.

2 Mbai 1:4

Me David amu lani sanduku ti *mbuki ti Nzapa na gbata ti Kiriat-Yearim ague na ni na Jérusalem si lo zia na gbe ti da ti bongo so lo sara kâ ndali ni.

2 Mbai 30:15

Na lango baleoko na osio ti use nze ni, ala fâ anyama ndali ti *matanga ti Pake. Kamene agbu awayango-sandaga na azo ti mara ti Lévi si ala *sukula sioni ti ala. Na pekoni, ala ya asandaga na ya ti kota da ti *KOTA GBIA.

2 Mbai 35:6

Alingbi ala fâ anyama ndali ti matanga ti Pake; nilaa alingbi ala *sukula sioni ti ala si ala leke anyama ni ndali ti a-ita ti ala, azo ti Israel; ala sara ye alingbi na tënë ti KOTA GBIA, tënë so lo tene na lege ti Moïse.”

2 Mbai 5:11

Awayango-sandaga alondo na ndo so ayeke nde si ayeke nzoni kue si ala sigigi. Awayango-sandaga so kue ayeke daa na ngoi ni so *asukula sioni ti ala, me na lege ti molongo ti ala pepe.

2 Mbai 5:2

Tongaso, Salomon abongbi *akangba ti Israel, amakonzi ti amara kue nga na amakonzi ti asewa ti Israel na Jérusalem titene ala mu sanduku ti *mbuki ti *KOTA GBIA so ayeke na Gbata ti David, so ti tene na Sion, ti gue na ni na ya ti kota da ti Nzapa.

Néhémie 13:22

Mbi mu nga yanga na azo ti mara ti Lévi titene ala *sukula asioni na tere ti ala si ala gue ti bata ayanga ti gbagba ni, tongaso si azo abaa lango ti wungo tere tongana lango so a zia nde ndali ti Nzapa. “Nzapa ti mbi, mo dabe ti mo na mbi ndali ti aye so nga! Mo so mo yeke nzoni mingi, mo baa mawa ti mbi!”

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Ezekiel 48:11

Ndo ni so ayeke ndali ti awayango-sandaga so a zia ala nde ndali ti Nzapa; ala so ayeke azo ti mara ti Sadok. Lani ala sara kua ti KOTA GBIA na ngoi so azo ti Israel agirisa lege; awayango-sandaga so angba na tere ti Nzapa, ala girisa lege pepe tongana ti azo ti mara ti Lévi.

Jean 17:17

Bata ala nde ndali ti mo na lege ti taa-tënë; tënë ti mo ayeke taa-tënë.