1 Mbai 14:3 - Mbeti ti Nzapa - Tënë so amu fini

³ David akiri amu ambeni wali si lo du ambeni molenge-koli na ambeni molenge-wali.

1 Mbai 14:3 ပူးပေါင်းရင်းမြစ်များ

2 Samuel 5:13

Na peko ti so David alondo na Hebron si lo si na Jérusalem awe, lo mu ambeni wali, ala so ayeke na kozo ndo na ala so ayeke na use ndo. Awali ni akiri adu na lo ambeni molenge-koli na ambeni molenge-wali.

1 Agbia 11:3

Awali ti Salomon so ayeke amolenge ti agbia ayeke ngbangbo mbarambara, awali ti lo so lo ne ala mingi pepe ayeke ngbangbo ota. Awali ni kue asara si be ti lo ague yongoro na Nzapa.

1 Mbai 14:2

David ahinga atene, *KOTA GBIA laa azia lo gbia na li ti azo ti Israel si lo yeke sara titene komandema ti David ayeke gue guengo na nduzu lakue ndali ti azo ti Israel, azo ti KOTA GBIA.

1 Mbai 14:4

Iri ti amolenge so lo du ala na Jérusalem ayeke so: Shamua, Shobab, Natan, Salomon,

1 Mbai 28:5

KOTA GBIA amu na mbi amolenge-koli mingi. Na popo ti amolenge ni, lo soro Salomon, molenge ti mbi titene lo duti na ndö ti mbata ti gbia na sese ti Israel si lo le-gbia na iri ti KOTA GBIA.

Zo ti bongbingo azo 9:9

Na ya ti akete lango so ayeke gi senge senge, sara ngia na wali ti mo so mo ye lo; ye so Nzapa amu na mo na ndö ti sese so na ya ti alango so ayeke gi senge senge laa. Ye so aga ti mo na popo ti akua so mo baa pasi na sarango ni na ndö ti sese so laa.

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Matthieu 19:8

Jésus akiri tënë na ala: “Ala yeke azo ti kpengbango be, nilaa Moïse amu lege na ala titene ala tumba awali ti ala. Me na tongo nda ni, ye ni ayeke ando tongaso pepe.

Ndia ti fani use ni 17:17

Alingbi gbia ni aduti na gba ti awali pepe; tongaso pepe, fade awali ni ayeke sara titene be ti lo ahon yongoro na KOTA GBIA. Alingbi lo duti nga na gba ti nginza nga na gba ti lôro pepe.