1 Mbai 14:2 - Mbeti ti Nzapa - Tënë so amu fini

² David ahinga atene, *KOTA GBIA laa azia lo gbia na li ti azo ti Israel si lo yeke sara titene komandema ti David ayeke gue guengo na nduzu lakue ndali ti azo ti Israel, azo ti KOTA GBIA.

1 Mbai 14:2 ပူးပေါင်းရင်းမြစ်များ

2 Samuel 7:16

Mbeni hale ti mo ayeke le-gbia na peko ti mo kpu na kpu. Biani, lengo-gbia ti asewa ti mo ayeke kpengba kpu na kpu.’ ”

2 Samuel 7:8

Ti fadeso, mo tene na David, zo ti kua ti mbi, mo tene: Tënë so KOTA GBIA so ayeke na ndö ti dunia kue atene ayeke so: ‘Mbi laa mbi mu mo na ya ti ngonda, na peko ti ataba na angasa titene mo ga kota zo na ndö ti azo ti mbi, azo ti Israel.

1 Agbia 10:9

Singila na KOTA GBIA, Nzapa ti mo so asara nzoni be na mo si lo soro mo titene mo le-gbia na ndö ti Israel! KOTA GBIA aye azo ti Israel kpu na kpu, nilaa lo zia mo gbia titene mo fâ ngbanga mbirimbiri si mo sara ye na lege ti ndia”.

1 Mbai 14:1

Hiram, gbia ti Tir atokua azo na David; lo tokua nga akeke ti sedre, amason na asarapande titene ala sara da na lo.

1 Mbai 14:3

David akiri amu ambeni wali si lo du ambeni molenge-koli na ambeni molenge-wali.

1 Mbai 17:17

Nzapa, ye ni alingbi na le ti mo pepe. Tongaso mo kiri mo mu zendo ndali ti ahale ti mbi ndali ti angoi so ayeke ga gbanda. KOTA GBIA Nzapa, mo baa mbi tongana mbeni kota zo.

2 Mbai 2:10

Hiram, gbia ti Tir asu mbeti ti kiri tënë na Salomon, atene: “Ngbanga ti so KOTA GBIA aye azo ti lo, nilaa lo zia mo gbia na ndö ti ala.

2 Mbai 2:11

Mbi mu singila na KOTA GBIA, Nzapa ti Israel so asara yayu na sese, ngbanga ti so lo mu na David mbeni molenge so ayeke na ndara, li ti lo ayeke daa si lo hinga ndo nzoni, lo ye ti sara da ndali ti KOTA GBIA si lo ye nga ti sara yangbo ndali ti lo wani.

Esther 4:14

Ataa mo ke ti zi yanga na ndö ti ye so asi na e fadeso, ye ti zingo azuife na ya ti mawa nga na ya ti kuâ ayeke londo ande na mbeni ndo nde. Me ti mo na sewa ti mo kue, fade ala yeke kui. Mbi hinga pepe, ndali ti zingo e na ya ti ye ti ngangu tongaso si mo ga wali ti gbia so!”

Daniel 2:30

Ti mbi, a fa na mbi nda ti ye ti ndima ni fango; me ayeke ngbanga ti so mbi yeke na ndara mbi hon azo kue pepe. A fa ni na mbi, tongaso si a lingbi ti fa na mo gbia, nda ti bango-li ti mo si mo lingbi ti hinga nda ti ye so mo yeke gi be ti mo daa.

Wungo ti azo 24:7

Ada ti ala ni ayeke tongana ngu ti ya ti du; ngu ni asuku si ayeke mu ngu na akobe ti yaka. Fade gbia ti azo ti Israel ayeke hon ndö ti gbia Agag, kodro-gbia ti Israel ayeke gue guengo na nduzu na ngangu.

Ndia ti fani use ni 28:1

Moïse atene: Tongana ala ma yanga ti *KOTA GBIA Nzapa ti ala biani si ala sara ye alingbi na atënë ti ndia so kue mbi mu yanga na ala daa laso, fade KOTA GBIA Nzapa ti ala ayeke mu iri ti ala na nduzu ahon tanga ti amara ti sese so kue.