1 Mbai 14:1 - Mbeti ti Nzapa - Tënë so amu fini

¹ Hiram, gbia ti Tir atokua azo na David; lo tokua nga akeke ti sedre, amason na asarapande titene ala sara da na lo.

1 Mbai 14:1 ပူးပေါင်းရင်းမြစ်များ

2 Samuel 7:2

gbia atene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti Nzapa ayeke lango na gbe ti da ti bongo.”

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

1 Agbia 5:15

Hiram gbia ti Tir aye lani David mingi. So lo ma a tene, a tuku mafuta na li ti Salomon si lo ga gbia na peko ti babâ ti lo awe, gbia Hiram atokua azo na lo.

1 Agbia 5:18

Fadeso, KOTA GBIA Nzapa ti mbi asara si mbi duti na siriri na akodro so kue angoro mbi. Mbeni zo ti sara bira na mbi ayeke daa pepe; mbeni sioni ye ti sara mbi ayeke daa pepe.

1 Agbia 5:6

Salomon ayeke lani na ando ti lango saki baleosio ndali ti ambarata ti lo, ambarata so ayeke ndali ti apusu; lo yeke nga na ambarata saki baleoko na use.

1 Mbai 14:2

David ahinga atene, *KOTA GBIA laa azia lo gbia na li ti azo ti Israel si lo yeke sara titene komandema ti David ayeke gue guengo na nduzu lakue ndali ti azo ti Israel, azo ti KOTA GBIA.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

1 Mbai 22:2

David amu yanga titene awande so kue ayeke na kodro ti Israel abongbi tere ti ala. Lo mu na ala kua ti dengo tere ti atêne titene a sara na kota da ti Nzapa.

2 Mbai 2:2

Salomon atokua na Hiram, gbia ti Tir, atene: “Sara na mbi tongana ti so mo sara na babâ ti mbi David so mo tokua na lo akeke ti sedre titene lo sara na da ndali ti lo wani so.

2 Mbai 2:3

Mbi ye ti sara da ndali ti KOTA GBIA, Nzapa ti mbi, ti zia ni nde ndali ti lo. Na ya ti da ni, fade a yeke zö na dawa ti lo dukani so fion ni afun nzoni, a yeke leke mapa si a yeke zia na dawa ti lo lakue lakue, a yeke mu na lo *asandaga so a yeke gbi ni kue na wâ, na ndaperere nga na lakui, a yeke mu nga na lo asandaga ti *lango ti wungo tere, ti alango ti fini nze na ti alango ti amatanga ti KOTA GBIA Nzapa ti e; ye so a diko ndali ti azo ti Israel kpu na kpu laa.

Esdras 3:7

Ala mu nginza na azo ti dengo tere ti têne nga na asarapande. Ala mu kobe ti tengo ni, ye ti nyongo ni nga na mafuta na azo ti Sidon na ti Tir titene ala tokua ndo si a mu akeke ti sedre ti Liban aga na ni na le ti kota ngu-ingo ngbii asi na Zafa. Ala sara tongaso, ngbanga ti so Sirus, gbia ti Perse amu lege na ala.