1 Mbai 13:7 - Mbeti ti Nzapa - Tënë so amu fini

⁷ Ala mu sanduku ti mbuki ni na ya ti da ti Abinadab, ala zia na ndö ti fini pusu ti abagara. Uza na Ahio laa ayeke baa ndo na ndö ti tambula ti pusu ni.

1 Mbai 13:7 ပူးပေါင်းရင်းမြစ်များ

2 Samuel 6:3

Sanduku ni ayeke na ya ti da ti Abinadab, na li ti hoto. A zia ni na ndö ti mbeni fini pusu ti abagara ti gue na ni. Uza na Ahio, amolenge ti Abinadab laa ayeke baa ndo na ndö ti tambula ti pusu ni.

2 Samuel 6:4

Ala mu sanduku ni na ya ti da ti Abinadab so ayeke na li ti hoto, ala gue na ni. Na guengo ni, Ahio ayeke tambula na dawa.

1 Mbai 15:13

So kozoni ala yeke daa pepe so, KOTA GBIA, Nzapa ti e apika azo na kuâ na popo ti e, ngbanga ti so e sara ye na lege ti andia ni pepe.”

1 Mbai 15:2

Tongaso lo tene: “Gi azo ti mara ti Lévi laa ayeke yo sanduku ti mbuki ti Nzapa, ngbanga ti so ala laa *KOTA GBIA asoro ala titene ala yo ni nga titene ala sara kua na lo kpu na kpu.”

Wungo ti azo 4:15

Tongana Aaron na amolenge ti lo akanga akungba ti da ni kue nga na aye so kue a yeke sara na kua na ya ti da ni, gi na ndembe so ala yeke londo ti hon, ahale ti Kehat ayeke ga ti yo aye ni. Me ala yeke ndu mbeni ye ti ya ti kungba ni oko pepe, ngbanga ti ala kui. So kua ti ahale ti Kehat laa.

1 Samuel 6:7

Fadeso ala leke mbeni fini pusu ti mbarata. Ala mu amama ti bagara use, ala so angba ti mu me na amolenge ti ala, ala so ade ti yo kungba pepe. Ala kanga abagara ni na tere ti pusu ni; ala mu amolenge ti bagara ni akiri na ala na ya ti gbagba.