1 Mbai 13:6 - Mbeti ti Nzapa - Tënë so amu fini

⁶ David na azo ti Israel kue ague na Baala, so ti tene na Kiriat-Yearim, na sese ti Juda. Ala gue ti mu sanduku ti mbuki ti Nzapa; a iri ni “sanduku ti KOTA GBIA, lo so lo yeke duti na ndö ti *asheruben”.

1 Mbai 13:6 ပူးပေါင်းရင်းမြစ်များ

1 Agbia 8:16

nilaa lo tene: ‘Ti londo na lango so mbi sara si azo ti mbi asigigi na sese ti Ezipte, mbi soro laoko pepe mbeni gbata na popo ti amara ti Israel kue titene a sara da na ya ni ndali ti mbi; me mbi soro David titene lo sara komandema na ndö ti Israel, azo ti mbi.’

2 Agbia 19:15

Na pekoni, lo sambela KOTA GBIA, lo tene: “KOTA GBIA, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

Abia (Psaumes) 80:1

Bia ti Asaf; bia so ayeke ndali ti makonzi-bia. A he ni na kundi.

Abia (Psaumes) 99:1

*KOTA GBIA ayeke gbia, tere ti azo ayeke do! Lo duti na ndö ti *asheruben, sese ayeke yingi!

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Ésaïe 37:16

“KOTA GBIA, mo so mo yeke na ndö ti dunia kue, Nzapa ti Israel, mo so mo yeke duti na ndö ti *asheruben, gi mo oko mo yeke Nzapa na ndö ti akodro-gbia ti sese kue, ngbanga ti so mo laa mo sara yayu na sese.

Wungo ti azo 6:27

Tongana awayango-sandaga adi iri ti mbi tongaso ti sara na tufa na ndö ti azo ti Israel, fade mbi yeke sara tufa na ndö ti ala.”

Wungo ti azo 7:89

Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.

Josué 15:60

Ambeni gbata ni ayeke Kiriat-Baal, so a iri ni nga Kiriat-Yearim, na Raba. Agbata ni kue ayeke use, ala na akete akodro so ayeke na tere ni.

Josué 15:9

Na ndo so, katikati ni angoro asi na li ti ngu ti Neftoa; ague, asi na agbata so ayeke nduru na hoto ti Efron, akiri angoro ahon na mbage ti Baala, so a iri ni nga Kiriat-Yearim.

Josué 9:17

Azo ti Israel amu lege ague si lango ota na pekoni, ala li na ya ti agbata ti azo ni; agbata ni ayeke Gabaon, Kefira, Beerot na Kiriat-Yearim.

1 Samuel 4:4

Aturugu ni atokua ambeni zo na Silo. Ala gue, aga na sanduku ti mbuki ti KOTA GBIA, lo so lo yeke na ndö ti dunia kue si lo yeke duti na ndö ti *asheruben. Andaa amolenge ti Heli use, Hofni na Pinas ayeke na tere ti sanduku ti mbuki ni.

1 Samuel 6:21

Ala tokua azo na azo ti gbata ti Kiriat-Yearim ti tene na ala: “Azo ti Filistii akiri na sanduku ti mbuki ti KOTA GBIA awe. Ayeke nzoni ala ga amu ni, ague na ni na ndo ti ala.”