1 Mbai 12:40 - Mbeti ti Nzapa - Tënë so amu fini

⁴⁰ Ala sara lango ota kâ na tere ti David, ala te, ala nyon aye so a-ita ti ala, azo ti kodro aleke ndali ti ala.

1 Mbai 12:40 ပူးပေါင်းရင်းမြစ်များ

2 Samuel 16:1

So David ahon gi li ti hoto ni kete awe, Siba, zo ti kua ti Mefibaal aga na mbage ti lo. Lo yeke na alele use so ayo mapa ngbangbo use, gba ti aholengo le ti *vinye ngbangbo oko so akpa gatoo, ale ti keke ngbangbo oko so abe awe nga na bozo oko ti poro so vin ayeke na ya ni.

1 Agbia 1:40

Azo kue amu peko ti Salomon ti kiri na lo na ya ti gbata. Ala yeke huru *angoli, ala yeke dekongo na ngia mingi, mo baa mo tene, sese aye ti yingi.

2 Agbia 11:20

Azo kue ayeke na ngia. Na peko ti so a fâ Atalii awe na yangbo ti gbia, gbata ni akiri aduti kpoo.

1 Mbai 12:39

Azo so kue ayeke aturugu so ahinga lege ti lekengo tere ti ala ti tiri bira. Ala ga na gbata ti Hebron si na beoko, ala zia David gbia ti azo ti Israel kue. Tanga ti azo ti Israel kue aga nga na beoko ti zia David tongana gbia.

1 Mbai 13:1

David na amakonzi ti aturugu 1 000 na ala ti aturugu 100 nga na akota zo ti kodro kue abongbi ti ma tere.

1 Mbai 29:22

Na lango ni so, na ngia na be, ala te, ala nyon na dawa ti KOTA GBIA. Ti fani use ni, ala zia Salomon, molenge ti David, gbia. Ala tuku mafuta na li ti lo ti ga makonzi ndali ti KOTA GBIA si ala tuku mafuta nga na li ti Sadok titene lo ga kota wayango-sandaga.

Amato 11:10

Tongana ye ti azo ti mbirimbiri aga nzoni, azo ti gbata ni ayeke na ngia; tongana azo ti sioni akui, azo ti gbata ni ayeke dekongo na ngia.

Amato 29:2

Tongana azo ti mbirimbiri awu mingi, azo ti kodro ayeke na ngia; me tongana zo ti sioni laa ayeke na ndö ti mbata ti gbia, azo ayeke dema.

Osée 3:1

*KOTA GBIA atene na mbi: “Kiri mo gue, mo ye wali so mbeni koli aye lo si wali ni ayeke gi akoli ti amba ti lo. Mo ye lo tongana ti so mbi KOTA GBIA, mbi ye azo ti Israel, ataa so ala yeke gue na peko ti anzapa nde si ala ye agatoo so a sara ni na le ti vinye.”

1 Samuel 25:18

Abigail alondo hio amu mapa ngbangbo use, bozo use so a sara na poro ti nyama si vin ayeke na ya ni, ataba oku so a leke ala kue awe, sakpa oku ti *ble so a yoro ni yorongo, gba ti aholengo le ti vinye ngbangbo oko nga na gba ti aholengo le ti fige ngbangbo use so akpa gatoo. Lo zia aye so kue na ndö ti alele.