1 Mbai 12:39 - Mbeti ti Nzapa - Tënë so amu fini

³⁹ Azo so kue ayeke aturugu so ahinga lege ti lekengo tere ti ala ti tiri bira. Ala ga na gbata ti Hebron si na beoko, ala zia David gbia ti azo ti Israel kue. Tanga ti azo ti Israel kue aga nga na beoko ti zia David tongana gbia.

1 Mbai 12:39 ပူးပေါင်းရင်းမြစ်များ

2 Samuel 19:42

Azo ti Israel aga nduru na gbia si ala hunda lo, atene: “Ngbanga ti nyen si a-ita ti e, azo ti Juda, amu mo na maboko ti e? Ngbanga ti nyen si ala sara titene mo fâ ngu ti Jourdain, mo na asewa ti mo nga na aturugu ti mo so?”

2 Samuel 6:19

Na pekoni, lo kangbi kobe na azo kue, so ti tene azo ti Israel so ayeke gbani gbani so kue, akoli na awali, zo oko oko awara mapa oko, gba oko ti aholengo le ti date so akpa gatoo na gba oko ti aholengo le ti *vinye. Na pekoni, zo oko oko akiri na da ti lo.

Tongo nda ti aye 31:54

Jacob amu *sandaga na Nzapa na ndö ti hoto ni. Lo tisa a-ita ti lo ti te kobe. Na peko ti so ala te kobe awe, ala lango na ndö ti hoto ni na bi ni so.

Tongo nda ti aye 26:30

Isaac aleke kobe ti matanga ndali ti ala si ala te, ala nyon.

1 Mbai 12:38

Na popo ti azo ti mara Ruben, ti Gad na ti ndambo ti mara ti Manase so ayeke na mbage ti ngu ti Jourdain, aturugu 120 000 ayeke daa; aye ti bira nde nde kue ayeke na maboko ti ala.

1 Mbai 12:40

Ala sara lango ota kâ na tere ti David, ala te, ala nyon aye so a-ita ti ala, azo ti kodro aleke ndali ti ala.

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.