1 Mbai 12:23 - Mbeti ti Nzapa - Tënë so amu fini

²³ Na ya ti lango oko oko, ambeni zo ayeke ga na tere ti David ti mu maboko na lo, gi tongaso laa wungo ti aturugu ti David aga gbani ahon ndoni.

1 Mbai 12:23 ပူးပေါင်းရင်းမြစ်များ

Tongo nda ti aye 32:3

Gi so Jacob abaa ala, lo tene: “So bâbâ ti Nzapa laa!” Nilaa lo di iri ti ndo so Mahanaim.

2 Samuel 3:18

Fadeso, ala sara ye! Biani, *KOTA GBIA atene na ndö ti David, atene: ‘Na lege ti David, zo ti kua ti mbi laa mbi yeke zi azo ti Israel, azo ti mbi na maboko ti azo ti Filistii nga na maboko ti awato ti ala kue.’ ”

1 Mbai 10:14

ahon titene lo hunda KOTA GBIA. Nilaa KOTA GBIA asara si lo kui si lo mu mbata ti gbia ni na David, molenge ti Yese.

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.

1 Mbai 12:24

So ayeke wungo ti aturugu so amu peko ti David na gbata ti Hebron ti sara si lengo-gbia ti Saul aga ti David, alingbi na yanga so *KOTA GBIA amu.

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:3

Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”