1 Mbai 12:22 - Mbeti ti Nzapa - Tënë so amu fini

²² Ala yeke mu maboko na David na li ti aturugu, ngbanga ti so ala kue ayeke akpengba turugu si ala ga amakonzi ti aturugu ti lo.

1 Mbai 12:22 ပူးပေါင်းရင်းမြစ်များ

Tongo nda ti aye 32:2

Jacob angba na lege ti gue si *a-ange ti Nzapa aga awara lo.

2 Samuel 3:1

Bira ni aninga mingi na popo ti azo ti Saul na ti azo ti David. Ngangu ti David ayeke gue guengo na nduzu, me ngangu ti azo ti Saul ayeke woko wokongo.

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Abia (Psaumes) 148:2

Ala *a-ange ti lo kue, ala sepela lo! Ala aturugu ti lo kue so ayeke na yayu, ala sepela lo!

Josué 5:13

Mbeni lâ, Josué ayeke nduru na gbata ti Jéricho. Lo ye ti baa ndo tongaso, lo baa mbeni koli ayeke luti na dawa ti lo. Koli ni agbu mbeni yongoro zeme so lo zi ni na ya ti bozo ni awe. Josué ague na tere ti lo si ahunda lo: “Mo yeke na mbage ti e wala mo yeke na mbage ti awato ti e?”

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

1 Samuel 29:10

Tongaso, kekereke na kota ndaperere, fade mo na azo ti kua ti gbia ti mo so amu peko ti mo si aga so, ala londo. Tongana ndo ato nda ti vuru awe, ala mu lege ti kiri na kodro.”

1 Samuel 30:1

David na azo ti lo atambula na ya ti lango ota si ala si na Siklag. Andaa azo ti Amalek aga atiri bira na Mbongo ti Israel nga na Siklag. Ala buba gbata ni si ala gbi ni.