1 Mbai 12:18 - Mbeti ti Nzapa - Tënë so amu fini

¹⁸ David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

1 Mbai 12:18 ပူးပေါင်းရင်းမြစ်များ

2 Samuel 15:21

Itai akiri tënë na gbia: “KOTA GBIA ayeke na fini! Gbia, kota zo ti mbi ayeke nga na fini! Ndo so kue gbia ti mbi ayeke gue daa, ataa ayeke ti kui wala ti ngba na fini, mbi yeke gue daa.”

2 Samuel 17:25

Absalom azia Amasa na li ti aturugu na plase ti Yoab. Amasa ayeke molenge ti mbeni zo ti Israel so iri ti lo ayeke Yeter so amu lani Abigal ti ga wali ti lo. Abigal ayeke molenge ti Nahash, ita ti Seruya, mama ti Yoab.

2 Samuel 19:13

Ala azo ti Juda, ala yeke a-ita ti lo, taa a-ita ti lo. Ala laa alingbi ti duti andangba zo so ayeke mu gbia ti kiri na lo?’

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

1 Agbia 9:22

Me Salomon agbu mbeni zo ti Israel oko pepe na ngbaa, ngbanga ti so ala yeke aturugu, akota zo ti yangbo ti lo, amakonzi ti lo, aturugu ti lo ti kota kamba, amakonzi ti azo ti kpengo na apusu ti lo ti bira wala azo ti kpengo na ambarata ti lo.

2 Agbia 10:15

Yehu alondo na ndo so, lo gue, lo wara tere na Yonadab, molenge ti Rekab. Andaa Yonadab ayeke ga na mbage ti lo. Yehu abara lo si atene na lo: “Be ti mo avuru na tere ti mbi tongana ti so be ti mbi avuru na tere ti mo so?” Yonadab akiri tënë: “Een!” Yehu atene: “Tongana ye ni ayeke tongaso, gbu maboko ti mbi!” Yonadab agbu maboko ti Yehu si Yehu amu lo na tere ti lo na ya ti pusu ti mbarata ti lo.

2 Agbia 10:5

Makonzi ti yangbo ti gbia, makonzi ti gbata ni, akangba na azo so ayeke bata amolenge ti gbia atokua ndo na Yehu, atene: “E yeke azo ti kua ti mo; ye so kue mo hunda na e ti sara, fade e yeke sara ni. E yeke mu mbeni zo oko ti ga gbia pepe. Fade mo sara ye so be ti mo aye.”

2 Agbia 9:32

Yehu amu le ti lo na nduzu, na mbage ti fenetere ni si lo tene: “Zo wa laa aye mbi, zo wa?” Tongaso *ambaiwa use wala ota abaa ndo na mbage ti lo.

1 Mbai 11:11

Akpengba turugu ti David ayeke so: Ishebaal, molenge ti mbeni zo ti kete mara ti Hakmoni; lo yeke na li ti aturugu ti batango gbia. Lo laa na ya ti lango oko, lo fâ azo 300 na likongo ti lo.

1 Mbai 12:17

Ambeni zo ti mara ti Benjamin na ambeni zo ti mara ti Juda amu peko ti David na ndo so lo honde tere ti lo daa.

1 Mbai 2:17

Abigal adu Amasa; babâ ti Amasa ayeke Yeter, zo ti mara ti Ismael.

Ésaïe 59:17

Lo kanga mbirimbiri na tere ti lo tongana kazaka ti wen, lo mu songo zo na kuâ tongana kpoto ti wen, lo mu kiringo na peko ti sioni na zo tongana bongo so lo yu, lo mu ngangu ti lo ti tiringo na bira tongana kota bongo ti de.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Matthieu 12:30

Zo so ayeke na mbage ti mbi pepe, andaa lo ke mbi; zo so ayeke bongbi aye legeoko na mbi pepe, andaa lo yeke kangbi ya ti aye ni kirikiri.

Galasii 6:16

Mbi tene na azo so kue ayeke sara ye alingbi na ye so mbi fa so, mbi tene: siriri ti Nzapa na nzoni be ti lo aduti na ala, nga na azo so kue ayeke taa mara ti lo!

Awafango-ngbanga 13:25

Lo yeke na bâbâ ti Dan, na popo ti agbata ti Sora na ti Eshetaol. Kâ laa yingo ti KOTA GBIA aga na ndö ti lo si lo to nda ti sara aye.

Awafango-ngbanga 3:10

Yingo ti KOTA GBIA ayeke na ndö ti Otniel si lo ga wafango-ngbanga na ndö ti azo ti Israel. Lo gue na bira. KOTA GBIA azia Kushan-Rishataim, gbia ti Mezopotamii na maboko ti lo si lo hon ndö ti Kushan-Rishataim.

Awafango-ngbanga 6:34

Yingo ti *KOTA GBIA aga na ndö ti Gédéon; lo huru didi ti iri azo ti kete mara ti Abiezer titene ala ga na peko ti lo.

Ruth 1:16

Me Ruth akiri tënë, atene: “Mo gbu mbi na ngangu titene mbi kiri na ndo ti mbi si mbi zia gi mo oko pepe. Ndo so mo yeke gue ande daa, mbi nga, mbi yeke gue daa. Ndo so mo yeke lango ande daa, mbi nga, mbi yeke lango daa. Azo ti mo ayeke ga azo ti mbi; Nzapa ti mo ayeke ga Nzapa ti mbi.

1 Samuel 16:4

Samuel asara ye so KOTA GBIA atene tënë ni si lo gue na Betlehem. *Akangba ti kodro aga awara lo, tere ti ala ayeke do na mbeto si ala hunda lo, atene: “Mo ga na e nzoni tënë?”

1 Samuel 16:5

Samuel akiri tënë: “Een, mbi ga ti mu sandaga na KOTA GBIA. Ala zia tere ti ala nde ndali ti Nzapa, ala ga, e gue, e mu sandaga ni.” Samuel azia Yese na amolenge ti lo nde ndali ti Nzapa si lo iri ala titene ala ga aduti na matanga ti mungo sandaga ni.

1 Samuel 22:7

Saul atene na azo ti kua ni: “Ala, azo ti Benjamin, ala ma mbi nzoni! Fade molenge ti Yese ayeke mu na ala kue ayaka na ayaka ti *vinye tongana ti so mbi mu na ala so? Lo yeke mu ande ala titene ala ga amakonzi na ndö ti aturugu saki oko wala na ndö ti aturugu ngbangbo oko?

1 Samuel 24:12

Babâ gbia, baa ye! Baa yanga ti kota bongo ti mo laa ayeke na maboko ti mbi so! So mbi fâ yanga ti kota bongo ti mo si mbi fâ mo pepe so, ayeke nzoni mo hinga, mo tene, be ti mbi ayeke sioni na tere ti mo pepe, wala be ti mbi ake mo pepe si mbi sara nga sioni ti ke mo pepe. Mo laa mo yeke tumba peko ti mbi ti fâ mbi.

1 Samuel 24:13

Ayeke nzoni KOTA GBIA afâ ngbanga na popo ti mbi na mo. Ayeke nzoni KOTA GBIA akiri peko ti sioni na mo ndali ti sioni so mo sara na mbi so. Me fade maboko ti mbi ayeke ndu mo pepe.

1 Samuel 24:16

KOTA GBIA laa ayeke fâ ande ngbanga na popo ti mbi na mo. Lo yeke baa ya ti tënë so nzoni, lo yeke gbu koko ti mbi, lo yeke fâ ya ti ngbanga so si lo yeke zi mbi na maboko ti mo.”

1 Samuel 8:12

Fade lo yeke mu ambeni ti duti makonzi na ndö ti aturugu saki oko wala makonzi na ndö ti aturugu baleoku. Lo yeke mu ambeni titene ala fâ yaka ti lo si ala fâ nga ale ti kobe ti yaka ti lo. Fade lo yeke mu ambeni titene ala leke aye ti bira ti lo nga na agbakuru ti kangango na tere ti apusu ti mbarata ti lo.