1 Mbai 11:3 - Mbeti ti Nzapa - Tënë so amu fini

³ Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel alingbi na tënë so KOTA GBIA atene lani na lege ti Samuel.

1 Mbai 11:3 ပူးပေါင်းရင်းမြစ်များ

2 Samuel 2:4

Azo ti Juda aga na Hebron si ala tuku mafuta na li ti David titene lo ga gbia ti Juda. Mbeni zo aga atene na David: “Azo ti Yabesh so ayeke na sese ti Galaad laa alu lani Saul.”

2 Samuel 5:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

2 Samuel 5:5

Na Hebron, lo le-gbia na ndö ti azo ti Juda ngu mbarambara na nze omene. Na Jérusalem, lo le-gbia na ndö ti azo ti Israel na azo ti Juda kue ngu baleota na ota.

2 Agbia 11:17

Yoyada asara mbuki na popo ti KOTA GBIA na gbia nga na azo ti kodro titene ala ga azo ti KOTA GBIA. Yoyada asara nga mbuki na popo ti gbia na azo ti kodro.

2 Agbia 23:30

So lo kui awe, aturugu ti lo amu kuâ ti lo na Megido, ala zia na ya ti pusu ti mbarata si ala gue na ni na Jérusalem. A lu lo na ya ti du ti kuâ ti lo. Azo ti kodro amu Yoakaz, molenge ti Yosias, ala tuku mafuta na li ti lo si ala zia lo gbia na peko ti babâ ti lo.

1 Mbai 11:10

So ayeke iri ti amakonzi ti akpengba turugu ti David, ala na azo ti Israel so kue amu maboko na David titene lo ga gbia alingbi na tënë so *KOTA GBIA atene lani na ndö ti Israel.

2 Mbai 23:3

Azo so kue abongbi na ya ti kota da ti Nzapa; ala na gbia Yoas asara mbuki. Yoyada atene na ala: “Baa Yoas, molenge ti gbia laa! Fade lo yeke le-gbia alingbi na tënë so *KOTA GBIA atene na ndö ti *ahale ti David.

Awafango-ngbanga 11:11

Na pekoni, Yefte na akangba ni amu lege ague. Azo ti kodro amu lo si lo ga makonzi ti aturugu ti ala. Yefte atene gi atënë so kue na le ti KOTA GBIA na Mispa.

1 Samuel 11:15

Azo ni kue ague na Gilgal. Kâ, ala zia Saul gbia na dawa ti KOTA GBIA. Na pekoni, ala mu *sandaga ti beoko na KOTA GBIA. Saul na azo ti Israel kue asara ngia mingi.

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 16:3

Na ndembe ti mungo sandaga ni, fade mo iri Yese. Mbi wani, mbi yeke fa na mo ye so mo lingbi ti sara. Zo so mbi yeke fa ande lo na mo, mo yeke tuku mafuta na li ti lo titene lo ga gbia.”

1 Samuel 23:18

Ala use kue aleke tënë ti *mbuki na popo ti ala na dawa ti KOTA GBIA. David angba ti lo na Horsha si Jonatan akiri na ndo ti lo.

1 Samuel 28:17

Tënë ti KOTA GBIA so lo tene lani na mbi si mbi tene na mo so, ni laa lo sara ye alingbi na ni so. KOTA GBIA azi lengo-gbia na maboko ti mo awe, lo mu na mbeni zo nde; lo mu ni na David.