1 Mbai 11:23 - Mbeti ti Nzapa - Tënë so amu fini

²³ Lo laa lo fâ mbeni zo ti Ezipte so ayo metere use na ndambo. Likongo ti zo ti Ezipte ni akono tongana keke ti masini ti wasarango-bongo. Benaya amu keke si lo gue na tere ti zo ti Ezipte ni, lo gboto likongo ti koli so na maboko ti lo si lo fâ lo na ni.

1 Mbai 11:23 ပူးပေါင်းရင်းမြစ်များ

1 Mbai 11:24

Baa ye so Benaya, molenge ti Yoyada asara si iri ti lo awu na popo ti akpengba turugu ota so laa.

1 Mbai 20:5

Mbeni bira akiri alondo na popo ti azo ti Israel na azo ti Filistii. Elanan, molenge ti Yair afâ Lami, ita ti Goliat, zo ti kodro ti Gat. Keke ti likongo ti lo akono tongana keke ti masini ti awasarango-bongo.

Ndia ti fani use ni 3:11

– Og, gbia ti Bashan ayeke tanga ti azo ti mara ti Refa so angba na fini. Laso na Raba, li-kodro ti azo ti mara ti Amon, azo angba ti baa gbogbo ti lo, gbogbo ti lo ti wen so yongoro ni ahon metere osio, nduru ni ayeke metere use. –

1 Samuel 17:4

Mbeni kpengba turugu oko asigigi na popo ti aturugu ti Filistii; iri ti lo Goliat. Lo yeke zo ti gbata ti Gat; lo yo nduru na metere ota.

1 Samuel 17:51

David akpe loro aluti na tere ti zo ti Filistii ni, lo gboto yongoro zeme ti zo ti Filistii ni na ya ti bozo ni, lo de go ti lo. So azo ti Filistii abaa so kpengba zo ti bira ti ala akui awe, ala kpe.

1 Samuel 17:7

Keke ti likongo ti lo akono tongana keke ti masini ti awasarango-bongo. Wen so a sara na likongo ti lo ane kilo mbarambara. Zo so ayo *vala ti lo ayeke tambula na dawa ti lo.