1 Mbai 11:20 - Mbeti ti Nzapa - Tënë so amu fini

²⁰ Abishai, ita ti Yoab, lo yeke na li ti akpengba turugu ota. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

1 Mbai 11:20 ပူးပေါင်းရင်းမြစ်များ

2 Samuel 18:2

David akangbi ya ti aturugu ni ota: lo zia Yoab, so iri ti mama ti lo ayeke Seruya, na li ti ambeni turugu ni, lo zia Abishai, ita ti Yoab, na li ti ambeni. Abishai ayeke molenge ti Seruya. Lo zia Itai, zo ti gbata ti Gat na li ti ambeni. Na pekoni, gbia atene na aturugu ni: “Mbi nga, mbi ye titene mbi na ala, e gue na bira ni.”

2 Samuel 2:18

Yoab, Abishai na Asael, so iri ti mama ti ala ayeke Seruya ayeke lani kâ. Gere ti Asael ayapu na loro tongana ti dengbe.

2 Samuel 20:6

Tongaso David atene na Abishai: “Fadeso, Sheba, molenge ti Bikri ayeke sara sioni mingi na e ahon ti Absalom. Mo mu aturugu ti mbi, mo tumba peko ti koli so kozo titene lo gue, lo honde tere ti lo na ya ti agbata so angangu gbagba ayeke na tere ni.”

2 Samuel 21:17

Me Abishai, so iri ti mama ti lo ayeke Seruya aga amu maboko na David si lo fâ zo ti Filistii ni. Nilaa aturugu ahunda na David ti deba yanga ti lo, atene: “Fade mo yeke kiri ti gue na bira na e pepe, tongaso pepe, gbia ayeke duti na Israel mbeni pepe.”

2 Samuel 3:30

Yoab na ita ti lo Abishai afâ Abner, ngbanga ti so Abner afâ lani ita ti ala Asael na ya ti bira ti Gabaon.

1 Mbai 11:19

Lo tene: “Oko pepe! Ayeke nzoni Nzapa akanga lege na mbi ti sara mara ti ye tongaso. Mbi lingbi ti nyon mene ti azo so aka tere ti ala na kuâ tongana nyen? Ala ka tere ti ala na kuâ ti gue ti to ngu ni so!” Nilaa David ake ti nyon ngu ni. Baa ye so akpengba turugu ota so asara laa.

1 Mbai 11:21

Azo agonda lo mingi na popo ti use bongbi ti “akpengba turugu ota” so; lo ga makonzi ti ala. Me lo lingbi na “akpengba turugu ota” so pepe.

1 Mbai 2:16

A-ita ti ala ti wali ayeke Seruya na Abigal. Seruya adu Abishai, Yoab na Asael. Ala kue ayeke ota.

1 Samuel 26:6

David airi Ahimelek, zo ti mara ti Het, na Abishai, ita ti Yoab so iri ti mama ti lo ayeke Seruya; lo hunda ala, lo tene: “Zo wa laa aye titene mbi na lo, e gue ngbii e si na ya ti bâbâ ti Saul, zo wa?” Abishai akiri tënë: “Fade mbi na mo, e yeke gue.”