1 Mbai 11:19 - Mbeti ti Nzapa - Tënë so amu fini

¹⁹ Lo tene: “Oko pepe! Ayeke nzoni Nzapa akanga lege na mbi ti sara mara ti ye tongaso. Mbi lingbi ti nyon mene ti azo so aka tere ti ala na kuâ tongana nyen? Ala ka tere ti ala na kuâ ti gue ti to ngu ni so!” Nilaa David ake ti nyon ngu ni. Baa ye so akpengba turugu ota so asara laa.

1 Mbai 11:19 ပူးပေါင်းရင်းမြစ်များ

Tongo nda ti aye 9:4

Me gi ye oko: nyama so mene angba na ya ti tere ti lo, ala te lo pepe, ndali ti so fini ayeke na ya ti mene ti lo.

2 Samuel 23:17

Lo tene: “KOTA GBIA, mbi lingbi ti sara ye tongaso oko pepe! Ngu so ayeke tongana mene ti azo so aka tere ti ala na kuâ ti gue ti to ngu ni so pepe?” Nilaa David ake ti nyon ngu ni. Baa ye so akpengba turugu ota so asara laa.

1 Agbia 21:3

Me Nabot akiri tënë na Akab, atene: “Na le ti *KOTA GBIA, yaka so akotara ti mbi azia na mbi si aga ti mbi so, mbi lingbi ti mu na mo tongana nyen?”

1 Mbai 11:18

Tongaso akpengba turugu ota so ali na ya ti bâbâ ti azo ti Filistii na ngangu, ala to ngu ti du ti ngu so ayeke na yanga ti gbata ti Betlehem, ala ga na ni na David; me lo ke ti nyon ngu ni. Lo tuku ngu ni na sese tongana *sandaga ti samba ndali ti KOTA GBIA.

1 Mbai 11:20

Abishai, ita ti Yoab, lo yeke na li ti akpengba turugu ota. Lo laa lo yo lani likongo ti lo na nduzu si lo koro ya ti azo 300; iri ti lo awu tongana ti akpengba turugu ota so.

Mbeti ti Job 31:31

Azo so kue mbi yamba ala na da ti mbi, atene: “Na ndo ti lo, zo wa laa ate nyama, ya ti lo asi pepe, zo wa?”

Abia (Psaumes) 72:14

Fade lo yeke zi azo ni na ya ti aye ti ngangu nga na ya ti aye ti sioni so azo ayeke sara na ala, ngbanga ti so fini ti ala ayeke kota ye mingi na le ti lo.

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Jean 6:55

ngbanga ti so tere ti mbi ayeke taa kobe si mene ti mbi ayeke taa ye ti nyongo ni.

Rome 16:4

Angba kete ala wara kuâ ndali ti mbi na ndembe so ala ye ti soo mbi na kuâ. Gi mbi oko laa mbi yeke mu singila na ala pepe, me a-Eglize kue ti amara nde.

1 Korente 15:30

Me ti e, ngbanga ti nyen laa na ngoi kue, e yeke gue na le ti kuâ so?

Awafango-ngbanga 5:18

Ti azo ti mara ti Zabulon, ala na azo ti mara ti Neftali ayeda ti gue na le ti kuâ, na ndo so bira ayeke kporo daa.

Awafango-ngbanga 9:17

Babâ ti mbi atiri ando bira ndali ti ala; lo ka tere ti lo na kuâ titene lo zi ala na maboko ti azo ti Madian.

1 Samuel 19:5

Lo ka yingo ti fâ Goliat, zo ti Filistii. Na lango ni so, *KOTA GBIA asara si azo ti Israel kue aso benda. Mo baa ye ni na le ti mo si tere ti mo anzere ndali ni. Mo ye ti tuku mene ti mbeni zo so asara sioni pepe ngbanga ti nyen? Mo ye ti fâ David senge senge ngbanga ti nyen?”