1 Mbai 11:16 - Mbeti ti Nzapa - Tënë so amu fini

¹⁶ David ahonde tere ti lo na mbeni ndo so singo daa ayeke ngangu; andaa ambeni turugu ti Filistii aduti ti bata ndo na Betlehem.

1 Mbai 11:16 ပူးပေါင်းရင်းမြစ်များ

2 Samuel 5:17

So azo ti Filistii ama a tene, azo atuku mafuta na li ti David titene lo ga gbia ti azo ti Israel, ala kue ague ti gi ti gbu lo. David ama tënë ni si lo zu na ndo so ngangu gbagba ayeke na tere ni.

1 Mbai 11:17

Gi hio tongaso, nzara ti mbeni ye agbu David si lo tene: “Zo wa laa ayeke gue ti to ngu ti du ti ngu so ayeke na yanga ti gbata ti Betlehem ti ga na ni titene mbi nyon?”

Abia (Psaumes) 142:1

Bia ti fango ye na zo; bia ti David. Sambela ti lo na ndembe so lo yeke na ya ti du ti têne.

1 Samuel 10:5

Na pekoni, mo yeke si na Gibea-Elohim, agovoronere ti azo ti Filistii ayeke kâ. Na lingo ti mo na ya ti gbata ni, mo yeke tengbi na mbeni bongbi ti awayanga-Nzapa so alondo na ndo so a leke na ndö ti hoto si ala yeke zu. Azo ti pikango kota kundi, kete kundi, kete ngo na azo ti hurungo ngoli ayeke na dawa ti ala. Awayanga-Nzapa ni ayeke sara ye tongana azo so Yingo agbu ala.

1 Samuel 13:23

Mbeni bongbi ti aturugu ti Filistii ague, aduti na lege so ague na Mikmas.

1 Samuel 13:4

Azo ti Israel kue ama a tene, Saul afâ mbeni govoronere ti azo ti Filistii si azo ti Filistii ni asara ngonzo na tere ti azo ti Israel. Tongaso aturugu kue abongbi ti mu peko ti Saul na kodro ti Gilgal.

1 Samuel 22:1

David alondo na ndo so, lo kpe, lo gue, lo honde tere ti lo na ya ti du ti têne na Adulam. A-ita ti lo na asewa ti babâ ti lo kue ama tënë ni si ala gue, awara lo.

1 Samuel 22:4

David ague na babâ na mama ti lo na dawa ti gbia ti Moab; ala ngba na tere ti gbia ngbii asi na ngoi so kue David ahonde tere ti lo so.

1 Samuel 22:5

Wayanga-Nzapa Gad atene na David: “Ngba ti honde tere ti mo na ndo so pepe. Sigigi mo gue na sese ti Juda.” Nilaa David alondo ague na ya ti gbako ti Heret.

1 Samuel 23:25

Saul na azo ti lo ague ti gi David. Azo ague, atene tënë ni na David. David ague, ali na gbe ti têne so ayeke na benyama ti Maon si lo lango kâ. Saul ama tënë ni si lo tumba peko ti David na benyama ti Maon.