1 Mbai 11:1 - Mbeti ti Nzapa - Tënë so amu fini

¹ Azo ti Israel kue abongbi na tere ti David na gbata ti Hebron si ala tene na lo: “E azo ti mara ti mo laa, e asewa ti mo laa.

1 Mbai 11:1 ပူးပေါင်းရင်းမြစ်များ

Tongo nda ti aye 29:14

Na pekoni, Laban atene na lo: “Taa-tënë, mo yeke zo ti sewa ti mbi, mo yeke taa mene ti mbi.” Jacob asara nze oko na ndo ti Laban.

2 Samuel 15:10

Kâ, Absalom atokua azo ti lo na hondengo ni na amara ti Israel kue ti tene na ala, atene: “Tongana ala ma toto ti tatalita, ala tene: Absalom aga gbia na Hebron awe.”

2 Samuel 2:1

Na peko ti aye so, David ahunda *KOTA GBIA, atene: “Mbi lingbi ti gue na mbeni gbata ti Juda?” KOTA GBIA akiri tënë: “Mo gue senge.” David ahunda ndo, atene: “Mbi lingbi ti gue na ndo wa?” KOTA GBIA akiri tënë: “Mo gue na Hebron.”

1 Agbia 2:11

David ale-gbia na ndö ti Israel ngu baleosio: ngu mbarambara na Hebron, ngu baleota na ota na Jérusalem.

Wungo ti azo 13:22

Ala mu lege so ahon na mbage ti Mbongo si ala gue ngbii asi na Hebron, ndo so azo ti kete mara ti Ahiman, ti Sheshai na ti Talmai ayeke lango daa. Ala kue ayeke *ahale ti Anak. A sara gbata ti Hebron ngu mbarambara kozoni si a sara gbata ti Soan so ayeke na Ezipte.

Efeze 5:30

Andaa e yeke ambage ti tere ti lo.

Ndia ti fani use ni 17:15

Tongana ala mu mbeni gbia ti duti na li ti ala, fade ala yeke mu gi gbia so *KOTA GBIA Nzapa ti ala wani ayeke soro lo. Gbia ni ayeke duti mbeni wande pepe, me mbeni zo ti Israel so ayeke ita ti ala.

Awafango-ngbanga 9:2

“Ala gue, ahunda akota zo ti gbata ti Sishem, atene: ‘Ala ye titene zo oko laa aduti na ndö ti ala? Wala ala ye titene amolenge balembarambara ti Yerubaal kue laa aduti na ndö ti ala? Ayeke nzoni ala dabe ti ala atene, mbi yeke mene ti ala!’ ”