1 Mbai 10:7 - Mbeti ti Nzapa - Tënë so amu fini

⁷ So azo ti Israel so kue ayeke lango na popo-hoto abaa so aturugu ti Israel ayeke kpe kirikiri si Saul na amolenge ti lo akui awe, ala do agbata ti ala azia si ala kpe. Azo ti Filistii aga si ala duti daa.

1 Mbai 10:7 ပူးပေါင်းရင်းမြစ်များ

1 Mbai 10:6

Tongaso, Saul na amolenge ti lo ota, nga na azo ti da ti lo kue akui; ala kui legeoko.

1 Mbai 10:8

Na ndade ni, azo ti Filistii aga ti zi aye so ayeke na tere ti azo so akui so. Ala wara kuâ ti Saul na ti amolenge ti lo so ayeke lango na sese, na hoto ti Gilboa.

Awayango-sandaga 26:31

Mbi yeke buba agbata ti ala kue, mbi yeke sara si ando ti vorongo anzapa ti ala aga ngonda; *asandaga ti ala so ala yeke ya na mbi, mbi yeke kiri ti ma fion ni pepe.

Awayango-sandaga 26:36

“Ti azo so ayeke na popo ti ala si ayeke ngba na fini na kodro ti awato ti ala, mbi yeke sara si ala woko kue. Gi toto ti kugbe so ati na sese ayeke sara si ala kpe. Ala yeke kpe, mo baa mo tene, awato laa ayeke tumba peko ti ala na yongoro zeme. Ala yeke ti na sese, ataa so zo oko atumba peko ti ala pepe.

Ndia ti fani use ni 28:33

Mbeni mara so ala, azo ti Israel, ala hinga lo pepe, ayeke te akobe ti ayaka ti ala nga na aye so ala wara na lege ti kua ti ala. A yeke sara ngangu na ala lakue si a yeke nika ala.

Ndia ti fani use ni 28:43

Awande so ayeke na popo ti ala ayeke gue guengo lakue na nduzu, me ti ala, azo ti Israel, ala yeke kiri kiringo na gbeni.

Awafango-ngbanga 6:2

Azo ti Madian asara ngangu mingi na azo ti Israel. Ndali ti azo ti Madian ni, azo ti Israel aleke ando na gbe ti sese, na ya ti adu ti têne nga na li ti ahoto ti honde tere ti ala daa.

1 Samuel 13:6

So azo ti Israel abaa so ala yeke na ya ti ye ti ngangu, ngbanga ti so azo ti Filistii aga nduru nduru na ala, ala kpe ahonde tere ti ala na ya ti adu ti têne, na ya ti adu, na gbe ti akota têne, na gbe ti sese nga na ya ti adu ti ngu.

1 Samuel 31:7

So azo ti Israel so ayeke lango na mbage ti popo-hoto na ala so ayeke lango na mbage ti ngu ti Jourdain abaa so, azo ti Israel ayeke kpe si Saul na amolenge ti lo akui awe, ala do agbata ti ala azia si ala kpe. Azo ti Filistii aga si ala duti daa.