1 Mbai 10:14 - Mbeti ti Nzapa - Tënë so amu fini

¹⁴ ahon titene lo hunda KOTA GBIA. Nilaa KOTA GBIA asara si lo kui si lo mu mbata ti gbia ni na David, molenge ti Yese.

1 Mbai 10:14 ပူးပေါင်းရင်းမြစ်များ

2 Samuel 5:3

Tongaso, *akangba ti Israel kue aga na mbage ti gbia David na Hebron. Kâ, lo na ala asara *mbuki na dawa ti KOTA GBIA. Ala tuku mafuta na li ti David titene lo ga gbia ti Israel.

1 Mbai 12:23

Na ya ti lango oko oko, ambeni zo ayeke ga na tere ti David ti mu maboko na lo, gi tongaso laa wungo ti aturugu ti David aga gbani ahon ndoni.

1 Mbai 17:13

Fade mbi yeke duti babâ ti lo si lo yeke duti molenge ti mbi. Mbi yeke zi nzoni be ti mbi na lo pepe, tongana ti so mbi zi nzoni be ti mbi na lo so ayeke kozoni na mo.

1 Mbai 2:12

Booz adu Obed, Obed adu Yese.

2 Mbai 16:12

Na ngu baleota na gumbaya ni so Asa ale-gbia, mbeni ngangu kobela ti gere asara lo. Ataa na ya ti songo tere ti lo ni, lo gi *KOTA GBIA pepe, me lo gue ti baa awanganga.

Amato 17:13

Zo so ayeke kiri sioni ndali ti nzoni, akpale ayeke zia da ti lo laoko pepe.

Ésaïe 10:15

Do ayeke pika kate ti lo na zo so amu do ni ti sara na kua? Sii ayeke fa baba na zo so ayeke sara kua na ni? Ye ni ayeke tongana nduru keke so ayingi fade zo so ayo keke ni na nduzu, wala tongana keke so ayo fade na nduzu zo so amu ni ti sara na kua!

Ésaïe 10:7

Me gbungo-li ti gbia ti Asirii ayeke tongaso pepe, tënë ti be ti lo ayeke nde. Lo leke na be ti lo ti fâ azo kue, ti hunzi amara mingi mingi.

Josué 9:14

Azo ti Israel ayeda ti mu ambeni kobe ti azo ti Gabaon, me ala hunda KOTA GBIA ndali ni pepe.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

1 Samuel 28:17

Tënë ti KOTA GBIA so lo tene lani na mbi si mbi tene na mo so, ni laa lo sara ye alingbi na ni so. KOTA GBIA azi lengo-gbia na maboko ti mo awe, lo mu na mbeni zo nde; lo mu ni na David.

1 Samuel 28:6

Lo hunda *KOTA GBIA, me KOTA GBIA akiri tënë na lo pepe, ataa na lege ti bango-li, wala na lege ti ye so a iri ni Urim wala na lege ti awayanga-Nzapa.