1 Mbai 10:12 - Mbeti ti Nzapa - Tënë so amu fini

¹² akpengba turugu ague, amu kuâ ti Saul na ti amolenge ti lo, ala kiri na ni na Yabesh. Ala lu abio ti Saul na ti amolenge ti lo na gbe ti keke ti terebente na Yabesh; ala ke kobe na ya ti lango mbarambara.

1 Mbai 10:12 ပူးပေါင်းရင်းမြစ်များ

Tongo nda ti aye 12:6

Abram ahon na ya ti sese ni; lo gue, lo si na gbata ti Sishem, lo hon ngbii lo si na tere ti keke ti shene ti More. Na ngoi ni so, azo ti Kanaan laa ayeke lango na ya ti kodro ni.

Tongo nda ti aye 35:8

Debora, wali so ayeke bata Rébecca akui; a lu lo na Betel, na mbage ti gbeni, na gbe ti keke ti shene so a iri ni “Keke ti shene ti toto.”

Tongo nda ti aye 50:10

So ala si na ndö ti lakere ti Atad, so ayeke na mbage ti ngu ti Jourdain, ala luti si ala kiri atoto kuâ ni ngangu mingi. Joseph akiri asara mua ti babâ ti lo na ya ti lango mbarambara.

2 Samuel 3:35

Na pekoni, so ndo ade ti vuko pepe, azo ni aga na kobe na David. Me David adeba yanga ti lo, atene: “Tongana lâ ade ti kui pepe si mbi te mbeni ye wala mbeni kobe andu yanga ti mbi, ayeke nzoni Nzapa asara ye ti ngangu mingi na mbi.”

1 Mbai 10:11

So azo ti Yabesh so kue ayeke na sese ti Galaad ama tënë ti aye so kue azo ti Filistii asara na Saul,

Jean 11:19

Nilaa azuife mingi aga ti baa Marthe na Marie ti zi vundu na be ti ala na peko ti kuâ ti ita ti ala.

1 Samuel 11:1

Nahash, gbia ti azo ti mara ti Amon aga angoro gbata ti Yabesh, na sese ti Galaad ti tiri bira na azo ni. Azo ti Yabesh kue atene na Nahash: “Sara *mbuki na e si fade e yeke duti na gbe ti mo.”

1 Samuel 11:9

Ala tene na awatokua so alondo na Yabesh si aga so, atene: “Ala gue, atene na azo ti Yabesh, na sese ti Galaad, atene: Kekereke na kota lâ, fade azo ayeke ga ti mu maboko na ala.” Awatokua ni ague, atene tënë ni na azo ti Yabesh. Na mango tënë ni, be ti azo ni asi singo na ngia.

1 Samuel 31:12

Akpengba turugu atambula bi bi bi, ala gue, azi kuâ ti Saul na ti amolenge ti lo na tere ti gbagba ti Bet-Shean, ala kiri na Yabesh si ala gbi ni.