1 Mbai 1:4 - Mbeti ti Nzapa - Tënë so amu fini

⁴ Lemek adu Noe, Noe adu amolenge ota: Sem, Kam na Yafet.

1 Mbai 1:4 ပူးပေါင်းရင်းမြစ်များ

Tongo nda ti aye 10:1

Na peko ti ngu so asuku amu ndo kue so, amolenge ti Noe ti koli Sem, Kam na Yafet adu amolenge-koli. Tënë ti sewa ti ala ayeke tongaso:

Tongo nda ti aye 5:32

Noe ayeke na ngu ngbangbo oku si lo du Sem, Kam na Yafet.

Tongo nda ti aye 7:1

KOTA GBIA atene na Noe: “Mo na azo ti da ti mo kue, ala li na ya ti mangboko ni, ngbanga ti so, mbi baa so gi mo oko laa mo yeke zo ti mbirimbiri na popo ti azo ti ngoi ti mo.

Tongo nda ti aye 9:18

Amolenge ti Noe so alondo na ya ti mangboko, asigigi ayeke Sem, Kam na Yafet. Kam ayeke babâ ti Kanaan.

Tongo nda ti aye 9:19

Na lege ti amolenge ti Noe ota so laa azo asigigi, awu, amu ndö ti sese kue.

Tongo nda ti aye 9:29

Ngu ti lo kue ayeke ngbangbo gumbaya na baleoku si lo kui.

1 Mbai 1:3

Yered adu Henok, Henok adu Matusalem, Matusalem adu Lemek,

1 Mbai 1:5

Amolenge ti Yafet ayeke Gomer, Magog, Madai, Yavan, Tubal, Meshek na Tiras.

Ezekiel 14:14

Ataa akoli ota so, Noe, Daniel na Job ayeke fade na popo ti azo ti kodro ni, mbirimbiri ti ala ayeke soo gi fini ti ala wani. So tënë ti yanga ti Kota Gbia NZAPA laa.

Nzoni Tënë so Luc asu na mbeti 17:26

Ye so ayeke si ande na lango ti gango ti Molenge ti Zo ayeke duti tongana ye so asi ando na ngoi ti Noe.

Nzoni Tënë so Luc asu na mbeti 3:36

Shela ayeke molenge ti Kenan; Kenan ayeke molenge ti Arpaksad; Arpaksad ayeke molenge ti Sem; Sem ayeke molenge ti Noe; Noe ayeke molenge ti Lemek;

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

2 Pierre 2:5

Nzapa azia nga ando dunia ti kozoni senge tongaso pepe. Ndali ti sioni sarango ye ti azo ti dunia ni, lo sara si kota ngu apika, asuku amu ndo kue; lo bata gi Noe, zo ti fango lege ti mbirimbiri na azo, lo na ambeni zo mbarambara.