1 Korente 9:5 - Mbeti ti Nzapa - Tënë so amu fini

⁵ E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!

1 Korente 9:5 ပူးပေါင်းရင်းမြစ်များ

B. ti abia 4:12

Ita ti mbi ti wali, mo so mo yeke ga wali ti mbi so, mo yeke yaka ti mbi wani, mo yeke li ti ngu ti mbi, mo yeke ndo so ngu ayeke sigigi daa, so a bata ndali ti mbi.

Matthieu 13:55

Molenge ti sarapande so laa pepe? Marie laa ayeke mama ti lo pepe? Jacques, Joseph, Simon na Jude ayeke a-ita ti lo ti koli pepe?

Matthieu 8:14

Jésus ague na da ti Pierre. Lo baa mama ti wali ti Pierre na kobela na ndö ti gbogbo: tere ti lo amu wâ mingi.

Marc 1:30

Tere ti mama ti wali ti Simon amu wâ mingi si lo yeke lango na gbogbo. Azo atene tënë ni hio na Jésus.

Marc 6:3

Sarapande so laa pepe? So molenge ti Marie laa pepe? Ita ti Jacques, na Yozes, na Jude na Simon so laa pepe? A-ita ti lo ti wali ayeke na popo ti e ge pepe?” Ye so asara si azo ni ake ti ma na be na lo.

Nzoni Tënë so Luc asu na mbeti 6:15

Matthieu, Thomas, Jacques, molenge ti Alfe, Simon so azo atene lo yeke tiri ndali ti lipandaa ti kodro,

Nzoni Tënë so Luc asu na mbeti 8:20

Azo atene na lo: “Mama ti mo na a-ita ti mo ayeke na gigi, ala ye ti baa mo.”

Jean 1:42

Na pekoni, lo mu Simon, lo gue na lo na Jésus. Jésus abaa Simon si lo tene na lo: “Mo yeke Simon, molenge ti Jean; fade azo ayeke iri mo Sefas.” – Nda ti iri so atene “Pierre”. –

Jean 2:12

Na pekoni, Jésus ague na Kapernaum, lo na mama ti lo, a-ita ti lo na adisiple ti lo. Ala lango kâ gi kete.

Awatokua 1:14

Lakue na beoko, ala kue ayeke bongbi ti sambela, ala na ambeni wali, na Marie, mama ti Jésus nga na a-ita ti Jésus.

Rome 16:1

Mbi hunda na ala ti yamba Febe, ita ti e ti wali, lo yeke *diakre na *Eglize ti Sankre.

1 Korente 1:12

Tënë so mbi ye ti tene ayeke so: na popo ti ala, mbeni ayeke tene, ni yeke zo ti Paul, mbeni ayeke tene, ni yeke zo ti Apolos, mbeni ayeke tene, ni yeke zo ti Sefas si mbeni ayeke tene, ni yeke zo ti Christ.

1 Korente 7:15

Me tongana zo so ama na be pepe aye ti kangbi na wali ti lo wala na koli ti lo, lo lingbi ti sara ni senge. Zo so ama na be so, mbeni ye ti kanga lo na koli ni wala na wali ni ayeke daa pepe, ngbanga ti so Nzapa airi e ti duti na siriri.

1 Korente 7:39

Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

1 Korente 7:7

Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

1 Korente 7:8

Ala so ade ti mu wali wala koli pepe, na awali-mua, ayeke nzoni ala duti tongana mbi.

Galasii 1:19

Mbi baa mbeni watokua nde pepe, me zo so mbi baa lo ayeke gi Jacques, ita ti *Kota Gbia.

1 Timothée 3:2

Alingbi zo ti li ti Eglize ayeke zo so tënë ayeke na li ti lo pepe, lo yeke gi na wali oko, lo yeke sara ye ahon ndoni pepe, me na legeni, lo yeke tene tënë na legeni, lo yeke sara ye na lege ti nengo tere, lo yeke yamba azo nzoni na da ti lo, lo hinga lege ti fango ye na azo;

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

1 Timothée 5:2

mo mu wango na ambakoro-wali tongana amama ti mo, mo mu nga wango na amaseka-wali tongana a-ita ti mo ti wali, mo mu wango ni na vuru be.

Tite 1:6

Alingbi kangba ayeke zo so tënë ayeke na li ti lo pepe, lo yeke gi na wali oko; amolenge ti lo ayeke azo so ama na be, zo ti bingo tënë na li ti ala ndali ti sarango ye ti kirikiri wala ti sarango ngangu li ayeke daa pepe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.