1 Korente 9:4 - Mbeti ti Nzapa - Tënë so amu fini

⁴ E lingbi fade ti te ye wala ti nyon ye tongana futa ti kua ti e pepe?

1 Korente 9:4 ပူးပေါင်းရင်းမြစ်များ

Awayango-sandaga 22:7

Gi so lâ alinda, zo ni aga *nzoni awe. Tongaso, lo lingbi ti te asandaga so a zia nde ndali ti Nzapa so senge, ngbanga ti so kobe ti lo laa.

Matthieu 10:10

ala mu bozo ti lege pepe, ala mu bongo use pepe, ala mu poro ti gere wala keke ti tambulango na ni pepe, ngbanga ti so zo ti kua alingbi ti wara kobe ti yanga ti lo.

Nzoni Tënë so Luc asu na mbeti 10:7

Ayeke nzoni ala duti na ya ti da ni, ala te kobe, ala nyon ye so fade azo ni ayeke mu na ala, ngbanga ti so zo ti kua alingbi na futa ti lo. Ala tambula na yanga ti da oko oko pepe.

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

1 Korente 9:3

Tënë so mbi yeke kiri na ni na azo so ayeke bi tënë na li ti mbi ayeke so:

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

1 Tesalonike 2:6

E gi lege pepe titene azo agonda e, ataa na popo ti ala, ataa na popo ti ambeni zo nde.

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.