1 Korente 9:24 - Mbeti ti Nzapa - Tënë so amu fini

²⁴ Ala hinga pepe? Na lando ti awanguru, azo ti kpengo loro kue laa ayeke kpe loro ni, me gi zo oko laa ayeke wara kangu ti wen! Ala kpe loro na lege so ala lingbi ti wara kangu ti wen.

1 Korente 9:24 ပူးပေါင်းရင်းမြစ်များ

Abia (Psaumes) 19:5

Me fango ye ti ala ague, asi na azo ti sese kue, tënë ti ala ague ngbii asi na azo ti dunia kue. Kâ na nduzu, Nzapa aleke mbeni ndo titene lâ aduti daa.

Zo ti bongbingo azo 9:11

Mbi kiri mbi baa ambeni ye na ndö ti sese so. Azo so ayeke kpe loro mingi, ala yeke so benda lakue pepe; akpengba zo ayeke kinda amba ti ala na bira lakue pepe. Azo ti ndara ayeke wara kobe ti tengo ni lakue pepe; azo ti hingango ndo ayeke wara mosoro lakue pepe; azo so ahinga ye mingi laa, azo ayeke gonda ala lakue pepe. Azo so kue so, mbeni lâ ala lingbi ti duti nzoni, mbeni lâ ye ti vundu alingbi ti si na ala.

Jérémie 12:5

KOTA GBIA atene: “Tongana mo lingbi ti mu loro na azo ti kpengo loro pepe, mo lingbi ti sara mandako ti loro na ambarata tongana nyen? Tongana mo duti na siriri gi na ya ti kodro so ye kue ayeke na legeni, fade mo yeke sara tongana nyen na ya ti gbako ti yanga ti ngu ti Jourdain?

Osée 12:10

Me ti mbi, ti to nda ni na sese ti Ezipte ngbii asi fadeso, mbi yeke KOTA GBIA, Nzapa ti mo. Fade mbi yeke kiri ti sara si mo lango na gbe ti da ti bongo tongana ti alango so lani mbi na mo, e wara tere so.

Rome 6:16

Ala hinga pepe? Tongana ala mu tere ti ala na ngbaa na gbe ti mbeni zo, ti ma yanga ti lo, ala ga angbaa ti zo so ala yeke ma yanga ti lo so awe; so ti tene, tongana ala mu tere ti ala na siokpari, ala ga angbaa ti siokpari awe si siokpari ayeke gue na ala na kuâ, me tongana ala mu tere ti ala ti ma yanga ti Nzapa, Nzapa ayeke sara si ala ga mbirimbiri na le ti lo.

1 Korente 9:13

Ala hinga pepe? Azo so ayeke sara kua na ya ti kota da ti Nzapa ayeke wara kobe ti ala gi na lege ti kua ni; azo so ayeke sara kua ti yango *sandaga na ndö ti gbalaka ayeke wara mbage ti ye so azo ayeke mu na sandaga!

1 Korente 9:23

Mbi yeke sara ye so kue ndali ti Nzoni Tënë titene mbi wara anzoni ye so Nzoni Tënë ayeke mu.

1 Korente 9:26

Ndani laa mbi yeke kpe loro, le ti mbi angba gi na ndö ti ye so mbi ye ti wara. Mbi yeke tongana zo ti kpongo gobo so ayeke pika ya ti pupu pepe.

Galasii 2:2

Mbi gue kâ ndali ti so Nzapa afa na mbi ti gue. Kâ, na ya ti mbeni bongbi so mbi sara gi na azo ti li ti *Eglize, mbi fa na ala nda ti Nzoni Tënë so mbi yeke fa ka na popo ti azo ti amara nde. Mbi sara ni, ngbanga ti so mbi ye titene ye so mbi sara kozoni na ti so mbi yeke sara fadeso, peko ni angba senge pepe.

Galasii 5:7

Kozoni, ala to nda ti sara ye nzoni mingi! Zo wa laa akanga lege na ala si ake na ala ti sara ye alingbi na taa-tënë, zo wa?

Filipe 2:16

Ala laa ayeke fa tënë so ayeke mu fini na zo. Tongaso, na lango ti kiringo ti Christ, fade tere ti mbi ayeke nzere ndali ti ala, ngbanga ti so akua ti mbi na pasi ti mbi, peko ni ayeke senge pepe!

Filipe 3:12

So ti tene, mbi de ti si na nda ti lege ni pepe wala mbi de ti ga nzoni kue pepe. Me mbi ngba ti kpe loro, mbi yeke sara kue ti gue ti gbu ye so ayeke ku mbi, ngbanga ti so Jésus Christ wani agbu mbi awe.

Filipe 3:14

Mbi yeke kpe loro ngangu ti si na nda ti lege ni, ti wara nzoni ye so Nzapa airi e ti wara ni na yayu, na lege ti gango so e ga oko na Jésus Christ.

Kolose 2:18

A-ita, alingbi ala zia amara ti azo tongaso afâ ngbanga na li ti ala pepe. Ambeni zo ni aye ti sara tere ti ala lakue na le ti azo tongana akete zo si ala yeke voro *a-ange, ala zia be ti ala gi na ndö ti aye so ala baa na ya ti mbeni ye tongana bango-li. Hingango ndo ti ala ayeke senge gbungo-li ti azo, asara si ala baa tere ti ala kota ahon azo kue.

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Aye so Nzapa afa 3:11

Mbi yeke ga fafadeso. Ye so ayeke na maboko ti mo so, mo gbu ni ngangu, tongaso si mbeni zo agboto pepe nzoni ye so a yeke mu na zo so aso benda.