1 Korente 9:22 - Mbeti ti Nzapa - Tënë so amu fini

²² Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

1 Korente 9:22 ပူးပေါင်းရင်းမြစ်များ

Rome 11:14

ti sara si, tongana lege ayeke daa, azo ti mara ti mbi asara kota be si mbi soo ambeni na popo ti ala.

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

Rome 14:2

Mbeni zo so ama na be abaa ti lo atene, ni lingbi ti te ye kue, me mbeni zo so ade ti kpengba pepe ayeke te ti lo gi akugbe ti kasa.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

Rome 15:2

E oko oko kue, e gi ti sara ye so anzere na amba ti e ndali ti nzoni ti ala, tongaso si ala kpengba na lege ti mabe.

1 Korente 10:33

Ala sara ye tongana mbi: mbi yeke gi lege ti sara kue titene mbi ga nzoni na le ti azo kue. Mbi yeke gi gi nzoni ti mbi wani pepe, me mbi yeke gi nzoni ti azo mingi si ala soo kuâ.

1 Korente 7:16

Mo wali so mo ma na be, mo hinga biani so mo yeke soo ande koli ti mo? Mo koli so mo ma na be, mo hinga biani so mo yeke soo ande wali ti mo?

1 Korente 8:13

Ndani laa, tongana tengo mbeni kobe laa asara si ita ti mbi ati, fade mbi yeke zia lege ti tengo nyama biani biani, tongaso si ita ti mbi ati pepe.

1 Korente 9:19

Mbi yeke ngbaa ti mbeni zo oko pepe; me mbi sara tere ti mbi ngbaa ti azo kue ti gi lege ti wara azo mingi.

1 Korente 9:23

Mbi yeke sara ye so kue ndali ti Nzoni Tënë titene mbi wara anzoni ye so Nzoni Tënë ayeke mu.

2 Korente 11:29

Tongana mbeni zo ayeke na ngangu pepe, mbi nga, mbi yeke na ngangu pepe. Tongana mbeni zo asara si mba ti lo ati na ya ti siokpari, tënë ni aso be ti mbi mingi.

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!