1 Korente 9:15 - Mbeti ti Nzapa - Tënë so amu fini

¹⁵ Ataa so mbi lingbi fade ti hunda ye na maboko ti ala, mbi sara ni pepe, mbi yeke su nga mbeti so na ala ti hunda ye pepe. Titene mbi kui, ayeke fade nzoni ahon titene mbi hunda ye na ala. Nda ni so mbi yeke pika kate ti mbi laa, mbeni zo alingbi ti zi ni pepe!

1 Korente 9:15 ပူးပေါင်းရင်းမြစ်များ

Matthieu 18:6

“Zo so asara si oko ti akete molenge so ama na be na mbi ati na ya ti siokpari, ayeke nzoni a kanga kota têne na go ti lo si a bi lo na gbe ti kota ngu-ingo.

Awatokua 18:3

si lo ngba na ndo ti ala, ngbanga ti so kua ti lo na kua ti ala ayeke legeoko: ala yeke azo ti sarango ada ti bongo.

Awatokua 20:24

Me mbi baa so fini ti mbi ayeke senge ye na le ti mbi. Ye so mbi yeke gi lege ni, ayeke ti hunzi kua ti mbi, ti sara ye so kue Kota Gbia Jésus amu na mbi ti sara, so ti tene kua ti fango Nzoni Tënë ti nzoni be ti Nzapa na azo.

Awatokua 20:33

Mbi sara nzara ti nginza, wala nzara ti lôro wala nzara ti bongo ti mbeni zo oko pepe.

Awatokua 20:34

Ala wani ahinga atene, mbi sara kua na maboko ti mbi wani si mbi na amba ti mbi, e wara aye so atia e.

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

1 Korente 4:12

E yeke wara kobe ti yanga ti e na gbiki ti li ti e. Azo ayeke zonga e, me e yeke sara tufa na ndö ti ala; azo ayeke sara ngangu na e, me e yeke kanga be ti e;

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

1 Tesalonike 2:9

A-ita, ala dabe ti ala na akua so lani e sara nga na ngangu so ahunzi na e. Na ndembe so e fa Nzoni Tënë na ala, e sara kua bi na lâ titene e ga kungba na ndö ti mbeni zo na popo ti ala pepe.

2 Tesalonike 3:8

Kobe so e te, e hunda ni na mbeni zo pepe ti mu na e senge senge. Me bi na lâ, e sara kua ngangu, na gbiki ti li ti e si e ga kungba na ndö ti mbeni zo oko na popo ti ala pepe.