1 Korente 9:14 - Mbeti ti Nzapa - Tënë so amu fini

¹⁴ Legeoko nga, Kota Gbia amu yanga atene, azo so ayeke fa Nzoni Tënë, alingbi ala wara aye ti ala gi na lege ti fango Nzoni Tënë.

1 Korente 9:14 ပူးပေါင်းရင်းမြစ်များ

Matthieu 10:10

ala mu bozo ti lege pepe, ala mu bongo use pepe, ala mu poro ti gere wala keke ti tambulango na ni pepe, ngbanga ti so zo ti kua alingbi ti wara kobe ti yanga ti lo.

Nzoni Tënë so Luc asu na mbeti 10:7

Ayeke nzoni ala duti na ya ti da ni, ala te kobe, ala nyon ye so fade azo ni ayeke mu na ala, ngbanga ti so zo ti kua alingbi na futa ti lo. Ala tambula na yanga ti da oko oko pepe.

Nzoni Tënë so Luc asu na mbeti 10:8

Gbata so kue ala yeke li na ya ni si azo ni ayamba ala, ayeke nzoni ala te kobe so azo ni ayeke mu na ala.

Awatokua 18:3

si lo ngba na ndo ti ala, ngbanga ti so kua ti lo na kua ti ala ayeke legeoko: ala yeke azo ti sarango ada ti bongo.

1 Korente 4:15

Biani, ataa azo saki baleoko laa afa lege na ala si ala ga oko na Christ, ala yeke na ababâ mingi pepe: mbi laa mbi du ala si ala ga oko na Christ na lege ti Nzoni Tënë so mbi fa na ala.

1 Korente 9:11

E lu anzoni ye ti Yingo na be ti ala. Tongaso, tongana e ko mbage ti anzoni ye ti ala ti sese so, fade ala yeke tene: e yeke hunda ye mingi?

1 Korente 9:12

So ambeni zo alingbi ti hunda ye so na ala, ka ti e ni, e lingbi ti hunda ye ahon ti azo ni so pepe? Me e sara tongaso pepe. Ataa aye so kue ayeke si na e, e yeke kanga be ti e, ngbanga ti so e ke ti sara mbeni ye so alingbi ti kanga lege na Nzoni Tënë ti Christ.

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

1 Korente 9:4

E lingbi fade ti te ye wala ti nyon ye tongana futa ti kua ti e pepe?

2 Korente 2:12

Mbi si na gbata ti Troas ti fa Nzoni Tënë ti Christ, me ataa so *Kota Gbia azi lege kota na mbi titene mbi sara kua,

Galasii 6:6

Zo so mba ti lo ayeke fa na lo nda ti tënë ti Nzapa, alingbi lo mu mbage ti aye ti lo na zo so ayeke fa ye na lo.

1 Tesalonike 1:5

Biani, ala hinga atene, Nzoni Tënë so e fa na ala, e fa ni gi na yanga pepe, me e fa ni na ngangu nga na lege ti kua ti Yingo-Vuru. E hinga biani na be ti e, e tene, Nzoni Tënë so e fa ayeke taa-tënë. Ala kue ahinga lege ti dutingo ti e na popo ti ala, e sara ye so kue ndali ti nzoni ti ala.