1 Korente 9:1 - Mbeti ti Nzapa - Tënë so amu fini

¹ Mbi yeke ngbaa? Mbi yeke *watokua pepe? Mbi baa Jésus *Kota Gbia ti e lani pepe? Kua so mbi sara na Kota Gbia so, ala laa ayeke ye ti peko ni pepe?

1 Korente 9:1 ပူးပေါင်းရင်းမြစ်များ

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 14:14

So Barnabas na Paul ama tënë ni, ala suru bongo ti ala si ala kpe ali na popo ti azo ni; ala dekongo, atene:

Awatokua 14:4

Popo ti azo ti gbata ni akangbi: ambeni amu mbage ti azuife si ambeni amu mbage ti *awatokua.

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Awatokua 9:15

Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Awatokua 9:17

Tongaso Ananias ague, lo li na ya ti da so Saul ayeke daa; lo zia maboko na ndö ti Saul, lo tene: “Ita ti mbi Saul, Kota Gbia laa atokua mbi. Jésus so asi na mo na lege na gango ti mo, lo tokua mbi titene mo kiri mo baa ndo si mo si singo na Yingo-Vuru.”

Awatokua 9:3

Saul amu lege ti gue na Damas. So lo ga nduru na gbata ni, mo ye ti baa, mbeni lumiere alondo na nduzu si aza na tere ti lo kue.

Awatokua 9:5

Saul ahunda ndo, atene: “Mo yeke zo wa, Kota Gbia?” Go ni atene: “Mbi Jésus laa mo yeke sara ngangu na mbi so.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 11:13

Ala so ayeke azo ti amara nde, fadeso mbi yeke tene tënë na ala: mbi wani, mbi yeke *watokua ti azo ti amara nde. Mbi yeke gonda kua ti mbi ni,

1 Korente 1:1

Mbi Paul, Nzapa airi mbi tongana ti so be ti lo aye titene mbi ga *watokua ti Jésus Christ; mbi na ita Sostene laa e tokua mbeti so

1 Korente 10:29

Mbi yeke tene tënë ti be ti ala pepe, me mbi yeke tene tënë ti be ti zo so atene tënë ni na ala so. Ye so mbeni zo abaa na be ti lo tongana nzoni ye wala sioni ye, ngbanga ti nyen si alingbi ti kanga lege na mbi ti sara ye so be ti mbi aye?

1 Korente 10:30

Tongana mbi mu singila na Nzapa ndali ti kobe so mbi yeke te, ngbanga ti nyen azo ayeke kasa mbi ndali ti kobe so mbi mu singila ndali ni?

1 Korente 11:16

Me tongana mbeni zo aye ti ke tënë so, ayeke nzoni lo hinga lo tene, mbeni lege nde ayeke daa pepe so e na *a-Eglize ti Nzapa, e yeke sara ka na ni.

1 Korente 3:6

Mbi laa mbi lu ye, Apolos atuku ngu na ndö ni, me Nzapa asara si ye ni asigigi si amai.

1 Korente 9:19

Mbi yeke ngbaa ti mbeni zo oko pepe; me mbi sara tere ti mbi ngbaa ti azo kue ti gi lege ti wara azo mingi.

2 Korente 10:7

Ala yeke baa aye na le ti ala gi tongana ti so zo ayeke baa na ye. Tongana mbeni zo abaa atene, ni yeke zo ti Christ, ayeke nzoni lo hinga tënë so laso biani: tongana lo yeke zo ti Christ, e nga, e yeke azo ti Christ.

2 Korente 11:5

Ti akota kota *watokua ti ala ni so, mbi baa ti mbi mbeni ye so ala hon mbi na ni pepe.

2 Korente 6:1

So e na Nzapa e yeke sara kua oko so, e voro ala, e tene: “Nzoni be so Nzapa asara na ala, ala zia ni angba senge pepe.”

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

1 Tesalonike 2:6

E gi lege pepe titene azo agonda e, ataa na popo ti ala, ataa na popo ti ambeni zo nde.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.