1 Korente 8:9 - Mbeti ti Nzapa - Tënë so amu fini

⁹ A mu lege na ala ti sara ye kue, me ala sara hange si ndali ti sarango ye ti ala ni, mbeni zo so mabe ti lo akpengba pepe so ati pepe.

1 Korente 8:9 ပူးပေါင်းရင်းမြစ်များ

Ésaïe 35:3

Ala sara si maboko so awoko, akiri awara ngangu; ala sara si alikunu so awoko, akiri akpengba.

Ésaïe 57:14

*KOTA GBIA atene: “Ala suru lege, ala sara hio, ala leke lege; ala zi ye so kue ayeke kanga lege na azo ti mbi!”

Ezekiel 14:3

“*Molenge ti zo, azo so aleke ndo na be ti ala ndali ti ayanda ti ala; le ti ala angba gi na ndö ti ye so ayeke sara si ala ti na ya ti siokpari. Fade mbi yeke zia lege na ala titene ala hunda mbi na mbeni tënë?

Ezekiel 44:12

Ndali ti so ala sara kua na azo ni na ngoi so ala mu peko ti ayanda, ala sara si azo ti Israel ati na ya ti siokpari. Ndani laa mbi yeke ga na tere ti ala; fade sioni ti ala ayeke ngba na li ti ala. So tënë ti yanga ti Kota Gbia NZAPA laa.

Awayango-sandaga 19:14

Zo so mê ti lo akanga, alingbi ala zonga lo pepe; zo so le ti lo abuba, alingbi ala zia na lege ti lo pepe mbeni ye so lo lingbi ti pika gere ti lo daa ti ti. Tongaso laa ala yeke fa atene, ala yeke kpe mbeto ti mbi Nzapa ti ala. Mbi laa mbi yeke KOTA GBIA.

Matthieu 18:10

“Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

1 Korente 10:24

Alingbi zo oko oko agi gi nzoni ti lo wani pepe, me lo gi nzoni ti amba ti lo.

1 Korente 10:28

Me tongana mbeni zo atene na ala: “Kasa ti nyama ni ayeke ti nyama so azo aya na *sandaga na anzapa nde”, ala te ni pepe, ndali ti zo so atene tënë ni na ala so, tongaso si be ti zo ni agi ti lo pepe.

1 Korente 10:29

Mbi yeke tene tënë ti be ti ala pepe, me mbi yeke tene tënë ti be ti zo so atene tënë ni na ala so. Ye so mbeni zo abaa na be ti lo tongana nzoni ye wala sioni ye, ngbanga ti nyen si alingbi ti kanga lege na mbi ti sara ye so be ti mbi aye?

1 Korente 10:32

Na lege ti sarango ye ti ala, ala sara si mbeni zuife, wala mbeni zo ti mbeni mara nde, wala mbeni zo ti *Eglize ti Nzapa ati pepe.

1 Korente 8:10

Biani, mo so mo tene, mo yeke zo ti hingango ye, tongana mbeni zo so tënë ti be ti lo akpengba pepe abaa mo na tengo kobe na ya ti da ti anzapa nde, fade sarango ye ti mo ayeke pusu lo ti te nyama so a ya na sandaga na anzapa nde pepe?

1 Korente 8:12

So ala yeke sara siokpari tongaso na tere ti a-ita ti ala si ala yeke buba tënë ti be ti a-ita ti ala so akpengba pepe so, andaa ala sara siokpari ti ke Christ.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 11:21

Kamene ahon ndö ti mbi ti tene tënë so-een: mo baa mo tene, e sara ye tongana akoli pepe! Tongana mbeni zo akpa ti gonda tere ti lo ndali ti mbeni ye, mbi nga, mbi kpa ti gonda tere ti mbi. – Mbi yeke tene tënë so tongana zo so mbeni ye asara li ti lo –.

2 Korente 11:29

Tongana mbeni zo ayeke na ngangu pepe, mbi nga, mbi yeke na ngangu pepe. Tongana mbeni zo asara si mba ti lo ati na ya ti siokpari, tënë ni aso be ti mbi mingi.

2 Korente 6:3

E ye titene azo awara mbeni sioni tënë ti tene na ndö ti kua ti e pepe, nilaa e sara kue titene mbeni zo ati ndali ti e pepe.

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

1 Pierre 2:16

Ala sara ye tongana azo so asigigi na gbe ti ngbaa; me alingbi sigingo ti ala na gbe ti ngbaa ni aga mbeni ye ti kanga ndö ti sarango sioni ye pepe, me ala sara ye tongana angbaa ti Nzapa.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

Aye so Nzapa afa 2:14

Me ambeni ye so mbi ke na mo ayeke so: na ndo ti mo, ambeni zo ayeke daa so ayeke mu peko ti Balaam na lege ti fango tënë ti lo. Ando Balaam amu wango na Balak titene lo handa azo ti Israel ti te anyama so a mu na *sandaga na anzapa nde si ala sara nga aye ti ndumba.