1 Korente 8:6 - Mbeti ti Nzapa - Tënë so amu fini

⁶ Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

1 Korente 8:6 ပူးပေါင်းရင်းမြစ်များ

Ésaïe 46:9

Ala dabe ti ala na ye so ahon awe so, aye so asi ando giriri so: Biani, mbi laa mbi yeke Nzapa, mbeni nde ayeke daa pepe. Mbeni Nzapa tongana mbi ayeke daa pepe.

Jérémie 10:6

KOTA GBIA, mbeni Nzapa tongana mo ayeke daa pepe! Mo yeke kota, iri ti mo nga ayeke kota na lege ti ngangu ti mo.

Jérémie 10:7

Mo so mo yeke gbia ti amara kue, zo wa laa alingbi ti kpe mbeto ti mo pepe? So laa alingbi titene azo asara na mo. Na popo ti azo ti ndara ti dunia so nga na ya ti akodro-gbia kue, mbeni zo tongana mo ayeke daa pepe.

Jonas 1:9

Jonas akiri tënë na ala, atene: “Mara ti mbi ayeke hebro; mbi yeke voro KOTA GBIA, Nzapa so ayeke na yayu, lo so asara kota ngu-ingo nga na sese.”

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Matthieu 11:27

“Babâ ti mbi azia ye kue na maboko ti mbi. Zo oko ahinga Molenge ni pepe, gi Babâ oko; zo oko ahinga Babâ ni pepe, gi Molenge ni oko nga na azo so Molenge ni aye ti fa Babâ ni na ala titene ala hinga lo.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Jean 1:10

Tënë ni ayeke na dunia so. Na lege ti lo laa dunia abaa gigi, me azo ti dunia ahinga lo pepe.

Jean 1:3

Na lege ti lo laa aye kue abaa gigi, mbeni ye so abaa gigi na mbeni lege nde ayeke daa pepe.

Jean 10:30

Mbi na Babâ, e yeke oko.”

Jean 13:13

Ala yeke iri mbi ‘Wafango-ye’ wala ‘*Kota Gbia’, so lege ni laa, ngbanga ti so mbi yeke Wafango-ye si mbi yeke nga Kota Gbia biani.

Jean 14:20

Na lango ni so, fade ala yeke hinga atene, mbi na Babâ, e yeke oko, mbi na ala nga, e yeke oko.

Jean 17:3

Fini so angba lakue lakue ayeke titene azo ahinga mo, mo so mo yeke oko taa Nzapa si ala hinga nga Jésus Christ, lo so mo tokua lo.

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

Awatokua 17:28

Biani, ‘Na lege ti lo laa e yeke na fini, e yeke tambula si e yeke daa.’ “Ambeni zo ti ala so ayeke azo ti sungo mbeti na kode, atene: ‘E nga, e yeke amolenge ti lo.’

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

1 Korente 1:2

na *Eglize ti Nzapa so ayeke na gbata ti Korente, ala so aga azo ti Nzapa na lege ti gango so ala ga oko na Jésus Christ, ala so Nzapa airi ala si lo zia ala nde ndali ti lo wani. Lo iri nga azo so kue ayeke na ando nde nde si ala yeke di iri ti *Kota Gbia ti e Jésus Christ, so lo yeke Kota Gbia ti ala si lo yeke nga Kota Gbia ti e.

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

1 Korente 6:13

Ambeni zo ayeke tene nga: “Kobe ayeke ndali ti ya si ya ayeke ndali ti kobe.” Taa-tënë, me Nzapa ayeke buba ande ya na kobe kue. Andaa tere ti zo ayeke titene lo sara na aye ti kirikiri pepe: tere ti zo ayeke ndali ti *Kota Gbia si Kota Gbia ayeke ndali ti tere ti zo.

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

Efeze 1:3

E gonda Nzapa, Babâ ti *Kota Gbia ti e Jésus Christ! Lo mu na e anzoni ye ti Yingo so kue ayeke na yayu, na lege ti gango so e ga oko na Christ.

Efeze 3:14

Ndani laa mbi kuku na gbe ti Nzapa Babâ,

Ndia ti fani use ni 4:35

Ala wara lege ti baa aye so kue titene ala hinga atene, KOTA GBIA laa ayeke Nzapa; mbeni nzapa nde ayeke daa pepe, gi lo oko.

Ndia ti fani use ni 4:39

Alingbi ala hinga tënë so laso, ala gbu li ti ala na ndö ni nzoni: KOTA GBIA laa ayeke Nzapa na yayu, yongoro na nduzu kâ; lo yeke nga Nzapa na ndö ti sese; mbeni Nzapa nde ayeke daa pepe.

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.

Kolose 1:6

Nzoni Tënë asi na popo ti ala, azo ti Kolose. Na ndö ti dunia kue, Nzoni Tënë ni ayeke gue gi na nduzu si azo ayeke baa aye ti peko ni. Ye ni ayeke gi tongaso na popo ti ala, ti londo na ndembe so ala yamba Nzoni Tënë ni si ala hinga taa-tënë na ndö ti lege so Nzapa ayeke sara nzoni be na azo.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.