1 Korente 8:3 - Mbeti ti Nzapa - Tënë so amu fini

³ Me tongana zo aye Nzapa, Nzapa ahinga lo awe.

1 Korente 8:3 ပူးပေါင်းရင်းမြစ်များ

1 Agbia 3:3

Salomon aye KOTA GBIA si lo yeke sara ye alingbi na aye so babâ ti lo David amu yanga na lo. Me lo nga, lo yeke mu asandaga ti anyama si lo yeke zö dukani na li ti ahoto ni.

Abia (Psaumes) 1:6

KOTA GBIA ayeke bata azo ti mbirimbiri, me lege ti azo ti sioni ayeke gue na kuâ.

Abia (Psaumes) 17:3

Mo gi ya ti atënë ti be ti mbi awe. Na bi, mo ga ti gi ti hinga mbi nzoni, mo tara be ti mbi, mo wara ye oko pepe; tënë so mbi gbu li ti mbi daa, ni laa asigigi na yanga ti mbi pepe.

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 33:17

KOTA GBIA atene na Moïse: “Ye so mo hunda so, fade mbi yeke sara ni, ngbanga ti so mbi baa mo na nzoni le si mbi hinga mo na iri ti mo.”

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Amos 3:2

“Na popo ti asewa kue ti sese so, gi ala oko laa mbi soro ala. Ndani laa fade mbi yeke hunda na ala titene ala fa na mbi peko ti asioni ye so kue ala sara.”

Nahum 1:7

KOTA GBIA ayeke nzoni; na ngoi ti ye ti ngangu, lo yeke ndo so zo akpe daa ti bata tere ti lo. Lo yeke bata azo so azia be ti ala na ndö ti lo

Matthieu 7:23

Fade mbi yeke tene na ala: ‘Mbi hinga ala oko pepe. Ala hon yongoro na tere ti mbi, ala azo ti sarango sioni!’ ”

Jean 10:14

Mbi yeke nzoni wabatango-taba. Mbi hinga ataba ti mbi si ala nga, ala hinga mbi,

Jean 21:17

Jésus akiri ahunda lo ti fani ota ni, atene: “Simon, molenge ti Jean, mo ye mbi?” Vundu asara Pierre, ngbanga ti so Jésus ahunda lo fani ota, atene: “Mo ye mbi?” Tongaso lo tene na Jésus: “Kota Gbia, mo hinga ye kue, mo hinga so mbi ye mo!” Jésus atene na lo: “Bata ataba ti mbi.

Rome 11:2

Nzapa ake azo ti lo pepe, azo ti lo so lo soro ala kozoni so. Na ya ti Mbeti ti Nzapa, ala hinga pepe tënë ti Élie so adema tere ti lo na Nzapa ndali ti sarango ye ti azo ti Israel so? Lo tene:

1 Korente 13:12

Ti fadeso, ye so e yeke baa ayeke tongana ye so zo ayeke baa na ya ti tatara; e yeke baa ye ni nzoni kue pepe. Me gbanda, e yeke baa Nzapa le na le. Ti fadeso, mbage ti hingango ye ti mbi atia; me gbanda, mbi yeke hinga ye kue tongana ti so Nzapa ahinga na mbi so.

1 Korente 2:9

Me, tongana ti so Mbeti ti Nzapa atene: “Ye so le ti zo abaa pepe, ye so mê ti zo ama pepe, ye so tënë ni aga na li ti zo pepe, Nzapa aleke ni ndali ti azo so aye lo.”

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

Jacques 1:12

Ti lo nzoni, zo so akanga be ti lo ngangu na ya ti aye ti tarango be, ngbanga ti so tongana lo hon na ya ni awe, fade lo yeke wara futa; futa ni ayeke fini so Nzapa amu ando zendo ni na azo so aye lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:8

Ataa so ala baa lo pepe, ala ye lo; ataa so ala de ti baa lo pepe, ala ma na be na lo. Ndani laa ala yeke duti na kota ngia, ngia so ahon ndoni, zo alingbi ti tene tënë ni pepe.

1 Jean 4:19

Ti e, e yeke na ndoye, ngbanga ti so Nzapa aye e kozoni.

1 Jean 4:7

A-ita ti mbi so mbi ye ala mingi, ayeke nzoni e ye tere na popo ti e, ngbanga ti so ndoye alondo na Nzapa. Zo so kue aye mba ti lo, lo yeke molenge ti Nzapa si lo hinga Nzapa awe.

Aye so Nzapa afa 2:13

Mbi hinga ndo so mo yeke duti daa: ayeke ndo so Satan azia mbata ti lo ti gbia daa, me mo ngba na tere ti mbi; be ti mo so mo zia na ndö ti mbi, mo zia lege ni pepe, ataa na ndembe so a fâ Antipas, lo so lo fa tënë na ndö ti mbi na legeni, na ndo so Satan azia mbata ti lo ti gbia daa.

Aye so Nzapa afa 2:19

Mbi hinga aye so mo yeke sara, ndoye ti mo, mabe ti mo, nzoni ye so mo yeke sara na azo nga na kangango be ti mo. Aye so mo yeke sara fadeso ahon ti so mo sara kozoni.

Aye so Nzapa afa 2:9

Mbi hinga so mo yeke na ya ti ye ti ngangu, mo yeke wayere – andaa mo yeke zo ti mosoro! – Ambeni zo atene, ani yeke azuife, andaa ala yeke taa azuife pepe. Ala yeke bongbi ti azo so ayeke sambela Satan. Mbi hinga atënë ti mvene so azo ni ayeke du na li ti mo.