1 Korente 7:9 - Mbeti ti Nzapa - Tënë so amu fini

⁹ Me tongana ala yeke na ngangu ti kangango nzara ti tere pepe, ayeke nzoni ala mu wali wala koli, ngbanga ti so mungo wali wala koli ayeke nzoni ahon titene nzara ti tere ahon ndö ti ala.

1 Korente 7:9 ပူးပေါင်းရင်းမြစ်များ

Awatokua 19:36

Zo oko alingbi ti bere tënë so pepe. Alingbi ala duti kpoo, ala sara ye ti kirikiri pepe.

1 Korente 7:2

Me ti sara si azo agi wali wala koli kirikiri pepe, ayeke nzoni koli oko oko ayeke na wali ti lo si wali oko oko ayeke na koli ti lo.

1 Korente 7:28

Me tongana mo mu wali, so ayeke siokpari pepe. Tongana mbeni maseka-wali amu koli, so ayeke siokpari pepe. Me azo so amu koli wala wali, ala yeke na nengo kungba na ndö ti go ti ala; mbi ye si ala yo kungba ni pepe.

1 Korente 7:36

Fadeso, tongana mbeni maseka-koli na mbeni maseka-wali so aleke tënë ti mungo tere, lo baa so lo lingbi ti sara sioni na maseka-wali ni, tongana nzara ti maseka-wali ni ahon ndö ti lo si lo leke na be ti lo ti mu lo ti ga wali ti lo, alingbi lo sara tongana ti so be ti lo aye; lo sara siokpari pepe. Ala use kue alingbi ti mu tere senge.

1 Korente 7:39

Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

1 Tesalonike 4:4

Ayeke nzoni zo oko oko ahinga ti mu wali na lege so ayeke nzoni kue nga na lege ti nengo tere.

1 Timothée 5:11

Me awali-mua so angba maseka, mo zia iri ti ala na popo ti awali-mua pepe, ngbanga ti so tongana nzara ti be ti ala asara ala, fade ala yeke zia lege ti Christ si ala kiri ti mu koli.

1 Timothée 5:14

Ndani laa, mbi ye si awali-mua so angba maseka akiri amu koli, ala du amolenge, ala fa lege na azo ti da ti ala. Ala sara tongaso si awato ti e awara lege ti tene sioni tënë na tere ti e pepe.