1 Korente 7:7 - Mbeti ti Nzapa - Tënë so amu fini

⁷ Ti be ti mbi, mbi ye si azo kue aduti tongana mbi; me zo oko oko ayeke na matabisi so Nzapa amu na lo: mbeni amu wali wala koli si mbeni amu wali wala koli laoko pepe.

1 Korente 7:7 ပူးပေါင်းရင်းမြစ်များ

Tongo nda ti aye 30:34

Laban atene: “Nzoni! Mbi yeda na tënë so mo tene so.”

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Rome 12:6

Nzapa amu na e amatabisi nde nde na lege ti nzoni be ti lo. Zo so ayeke na matabisi ti tenengo peko ti tënë ti yanga ti Nzapa, alingbi lo sara kua ni alingbi na mabe so lo yeke na ni.

1 Korente 12:11

Me gi oko Yingo so laa ayeke sara aye so kue; lo laa lo yeke kangbi amatabisi so kue na azo tongana ti so be ti lo aye.

1 Korente 12:4

Amatabisi ayeke nde nde, me ala kue alondo gi na Yingo oko.

1 Korente 7:8

Ala so ade ti mu wali wala koli pepe, na awali-mua, ayeke nzoni ala duti tongana mbi.

1 Korente 9:15

Ataa so mbi lingbi fade ti hunda ye na maboko ti ala, mbi sara ni pepe, mbi yeke su nga mbeti so na ala ti hunda ye pepe. Titene mbi kui, ayeke fade nzoni ahon titene mbi hunda ye na ala. Nda ni so mbi yeke pika kate ti mbi laa, mbeni zo alingbi ti zi ni pepe!

1 Korente 9:5

E lingbi fade ti mu wali so ayeke zo ti Christ na tere ti e na ya ti atambula ti e pepe? Atanga ti awatokua, a-ita ti Kota Gbia na Pierre ayeke sara ni!