1 Korente 7:6 - Mbeti ti Nzapa - Tënë so amu fini

⁶ Tënë so mbi yeke tene na ala so, mbi yeke mu yanga na ala pepe, me mbi yeke mu na ala lege ti sarango ni.

1 Korente 7:6 ပူးပေါင်းရင်းမြစ်များ

1 Korente 7:10

Ti azo so amu wali wala koli awe, mbi yeke mu yanga so na ala (mbi laa mbi mu yanga ni pepe, me *Kota Gbia laa amu yanga ni): alingbi wali akangbi na koli ti lo pepe.

1 Korente 7:12

Ti atanga ti azo ni, mbi yeke tene tënë so na ala (tënë ni alondo na Kota Gbia pepe, me na mbi wani): tongana mbeni ita ayeke na wali so ama na be pepe si wali ni aye ti ngba ti duti na lo, alingbi lo tumba lo pepe.

1 Korente 7:25

Ti ala so ade ti mu koli wala wali pepe, *Kota Gbia amu na mbi yanga na ndö ti ala pepe; me mbi yeke fa tënë ti be ti mbi tongana ti zo so ala lingbi ti zia be ti ala na ndö ti tënë ti lo, ngbanga ti so Kota Gbia asara nzoni be na mbi.

1 Korente 7:40

Me ti be ti mbi, tongana wali ni aduti gi lo oko, fade lo yeke duti na ngia mingi. Mbi nga, mbi hinga, mbi tene, mbi yeke na Yingo ti Nzapa.

2 Korente 11:17

Tënë so mbi ye ti tene so, ti be ti *Kota Gbia laa pepe, me mbi yeke tene tënë ni tongana zo so mbeni ye ayeke sara li ti lo. Mbi hinga biani so, mbi yeke na ye so mbi lingbi ti gonda tere ti mbi ndali ni.

2 Korente 8:8

Mbi yeke tene tënë so ti mu yanga na ala pepe; me mbi yeke tene na ala tënë ti azo ti ambeni Eglize so nzara ti kua ayeke na be ti ala. Mbi yeke sara so ti baa wala ala azo ti Korente, ala ye amba ti ala biani.