1 Korente 7:39 - Mbeti ti Nzapa - Tënë so amu fini

³⁹ Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

1 Korente 7:39 ပူးပေါင်းရင်းမြစ်များ

Tongo nda ti aye 6:2

amolenge-koli ti Nzapa abaa so amolenge-wali ti azo ni ayeke pendere mingi. Ala soro ambeni molenge-wali ni si ala mu ala ti ga awali ti ala.

Malashii 2:11

Azo ti Juda asara ye so ayeke nde na tënë ti mbuki ni. Na Jérusalem nga na kodro ti Israel kue, ala sara ye ti sioni mingi. Biani, ndo so a zia ni nde ndali ti KOTA GBIA si lo ye tënë ni mingi so, ala sara si aga buba ye na lege ti mungo ambeni wali so ayeke voro anzapa nde.

1 Korente 7:10

Ti azo so amu wali wala koli awe, mbi yeke mu yanga so na ala (mbi laa mbi mu yanga ni pepe, me *Kota Gbia laa amu yanga ni): alingbi wali akangbi na koli ti lo pepe.

1 Korente 7:15

Me tongana zo so ama na be pepe aye ti kangbi na wali ti lo wala na koli ti lo, lo lingbi ti sara ni senge. Zo so ama na be so, mbeni ye ti kanga lo na koli ni wala na wali ni ayeke daa pepe, ngbanga ti so Nzapa airi e ti duti na siriri.

1 Korente 7:38

Tongaso, koli so amu tere na maseka-wali so lo ye ti mu lo, lo sara nzoni; me koli so amu tere pepe na maseka-wali ni, lo sara nzoni mingi.