1 Korente 7:38 - Mbeti ti Nzapa - Tënë so amu fini

³⁸ Tongaso, koli so amu tere na maseka-wali so lo ye ti mu lo, lo sara nzoni; me koli so amu tere pepe na maseka-wali ni, lo sara nzoni mingi.

1 Korente 7:38 ပူးပေါင်းရင်းမြစ်များ

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

1 Korente 7:26

Ti be ti mbi, mbi tene: tongana zo aduti gi lo oko, so ayeke nzoni ndali ti so gigi ni aga ngangu fadeso awe. Taa-tënë, mbi baa ti mbi, mbi tene, ayeke nzoni zo aduti gi lo oko.

1 Korente 7:37

Me koli ni alingbi ti leke na be ti lo ti zia lege ti mungo wali ni, ti duti na lo koli na wali pepe, lo sara nzoni. Tongana lo leke na be ti lo biani tongaso, so ti tene mbeni zo agbu lo na ngangu pepe si lo yeke na ngangu ti kanga nzara ti tere ti lo, ayeke nzoni lo na wali ni amu tere pepe.

1 Korente 7:39

Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

1 Korente 7:8

Ala so ade ti mu wali wala koli pepe, na awali-mua, ayeke nzoni ala duti tongana mbi.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.