1 Korente 7:37 - Mbeti ti Nzapa - Tënë so amu fini

³⁷ Me koli ni alingbi ti leke na be ti lo ti zia lege ti mungo wali ni, ti duti na lo koli na wali pepe, lo sara nzoni. Tongana lo leke na be ti lo biani tongaso, so ti tene mbeni zo agbu lo na ngangu pepe si lo yeke na ngangu ti kanga nzara ti tere ti lo, ayeke nzoni lo na wali ni amu tere pepe.

1 Korente 7:37 ပူးပေါင်းရင်းမြစ်များ

Daniel 1:8

Daniel aleke na be ti lo ti ke ti ga *sioni ndali ti kobe ti gbia nga ndali ti samba ti lo. Tongaso Daniel ahunda na makonzi ti ambaiwa ti gbu lo na ngangu pepe si lo ga *sioni.

1 Korente 7:1

Fadeso mbi yeke kiri tënë na ndö ti atënë so ala hunda na mbi na ya ti mbeti so ala tokua so. Ayeke nzoni titene koli amu wali pepe.

1 Korente 7:36

Fadeso, tongana mbeni maseka-koli na mbeni maseka-wali so aleke tënë ti mungo tere, lo baa so lo lingbi ti sara sioni na maseka-wali ni, tongana nzara ti maseka-wali ni ahon ndö ti lo si lo leke na be ti lo ti mu lo ti ga wali ti lo, alingbi lo sara tongana ti so be ti lo aye; lo sara siokpari pepe. Ala use kue alingbi ti mu tere senge.

1 Korente 7:38

Tongaso, koli so amu tere na maseka-wali so lo ye ti mu lo, lo sara nzoni; me koli so amu tere pepe na maseka-wali ni, lo sara nzoni mingi.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

1 Pierre 5:2

Ala bata bongbi ti azo ti Nzapa so lo zia na maboko ti ala. Ala sara ni na nzoni be, tongana ti so be ti Nzapa aye; mbeni zo agbu ala na ngangu ti sara ni pepe. Ala sara kua ni ndali ti nzara ti nginza pepe, me ala mu tere ti ala kue na kua ni.