1 Korente 7:34 - Mbeti ti Nzapa - Tënë so amu fini

³⁴ tongaso be ti lo ayeke na ndö ti aye use. Wali so amu koli pepe, na maseka-wali nga, be ti ala ayeke gi na ndö ti aye ti Kota Gbia titene ala bata tere ti ala na yingo ti ala nde ndali ti Nzapa. Me wali so amu koli awe, be ti lo ayeke gi na ndö ti aye ti dunia so, lo yeke gi titene be ti koli ti lo anzere na lo.

1 Korente 7:34 ပူးပေါင်းရင်းမြစ်များ

Jean 10:13

Zo so ayeke sara kua gi ndali ti nginza ayeke bata ataba ni nzoni pepe.

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

1 Korente 6:20

Nzapa avo ala na kota ngere. Tongaso ala mu tere ti ala ti gonda na Nzapa.

1 Korente 7:33

Me koli so amu wali awe, be ti lo ayeke gi na ndö ti aye ti dunia so, lo yeke gi titene be ti wali ti lo anzere na lo;

1 Korente 7:35

Mbi yeke tene tënë so ndali ti nzoni ti ala wani, me mbi ye ti zia kuku na dawa ti ala pepe; mbi ye titene ala sara ye so ayeke na legeni mbirimbiri si ala mu be ti ala kue na Kota Gbia, gi na lo oko.

2 Korente 11:28

Mbi lingbi ti diko tanga ti aye ni kue pepe. Tënë so agbu be ti mbi si mbi yeke gi be ti mbi na ndö ni bi na lâ, ayeke tënë ti *a-Eglize kue.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

1 Tesalonike 5:23

Ayeke nzoni Nzapa wani so ayeke mu siriri na zo asara si ala ga nde si ala ga nzoni kue. Ayeke nzoni lo bata yingo ti ala, be ti ala nga na tere ti ala nzoni kue si mbeni tënë oko ayeke na li ti ala pepe na lango ti gango ti Kota Gbia ti e Jésus Christ.

1 Timothée 3:5

Zo so ahinga ti duti makonzi ti sewa ti lo wani pepe, fade lo yeke hinga ti bata Eglize ti Nzapa tongana nyen?

1 Timothée 5:5

Ti taa wali-mua so lo yeke duti gi lo oko, lo zia be ti lo ti ku Nzapa; lo sambela lakue bi na lâ titene Nzapa amu maboko na lo.

Tite 3:8

Tënë so ayeke taa-tënë. Mbi ye mo tene tënë na ndö ni ngangu si azo so ama na be na Nzapa azia be ti ala na sarango anzoni ye. So laa ayeke nzoni si azo alingbi ti wara ye daa.