1 Korente 7:31 - Mbeti ti Nzapa - Tënë so amu fini

³¹ Azo so ayeke wara anzoni ye ti dunia so, alingbi ala duti tongana ti so ala wara fade ni pepe. Biani, dunia ti fadeso, tongana ti so e yeke baa so ayeke hon hongo.

1 Korente 7:31 ပူးပေါင်းရင်းမြစ်များ

Abia (Psaumes) 39:6

Baa, mo mu na mbi lango ti fini so ayeke nduru tongana ya ti maboko ti mbi. Na le ti mo, fini ti mbi ayeke ye oko pepe. Biani, ataa zo angba ngangu, lo yeke gi pupu senge. Luti kete

Abia (Psaumes) 73:20

Tongana ti so zo abaa li ti lo si na ndaperere, lo girisa ni, Kota Gbia, na ndembe so mo yeke londo, mo yeke sara si azo agirisa ala.

Zo ti bongbingo azo 1:4

Azo ti mbeni ngoi ayeke hon, azo ti mbeni ngoi nde ayeke ga; me sese angba ti lo lakue.

Zo ti bongbingo azo 11:2

Mo mu mbage ti aye ti mo na azo mbarambara wala miombe, ngbanga ti sioni ye so ayeke si na ndö ti sese so, mo hinga ni pepe.

Nzoni Tënë so Luc asu na mbeti 21:34

“Ala sara hange! Ala zia be ti ala kue na nyongo samba ahon ndoni na tengo kobe ahon ndoni pepe, ala gi be ti ala na ndö ti gigi ti ala pepe. Tongana ala sara hange pepe, lango ni so ayeke wara ala

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

1 Korente 7:30

Azo so ayeke toto, alingbi ala duti tongana ti so ala yeke toto fade pepe. Azo so be ti ala ayeke na ngia, alingbi ala duti tongana ti so be ti ala ayeke fade na ngia pepe. Azo so ayeke vo ye, alingbi ala duti tongana ti so ala yeke fade na ye pepe.

1 Korente 9:18

Tongaso, futa ti mbi ayeke nyen? Futa ti mbi ayeke ti fa Nzoni Tënë na azo gi senge senge. Ataa so Nzoni Tënë amu na mbi lege fade ti hunda ye na maboko ti ala, mbi sara so pepe.

Ahebro 12:27

Tënë ti yanga ti Nzapa so atene: “Fade mbi yeke kiri” so aye ti fa atene, aye so kue lo leke ni alingbi ti yingi si fade ayeke hon; me aye so alingbi ti yingi pepe, ni laa ayeke ngba.

Jacques 4:14

Ala hinga ye so ayeke si na gigi ti ala ti kekereke? Ala yeke gi tongana guru so asigigi na le ti ngu si kete na pekoni ahon.

1 Pierre 1:24

Tongana ti so Mbeti ti Nzapa atene: “Azo ayeke tongana pere, pendere ti ala ayeke tongana kongo ti ngonda. Pere ni ayeke hole si kongo ni ayeke ti,

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Jean 2:17

Dunia so ayeke hon, aye so zo ayeke sara nzara ni nga ayeke hon; me zo so asara ye so be ti Nzapa aye, fade lo yeke ngba na fini kpu na kpu.