1 Korente 7:29 - Mbeti ti Nzapa - Tënë so amu fini

²⁹ A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

1 Korente 7:29 ပူးပေါင်းရင်းမြစ်များ

2 Samuel 19:34

Gbia atene na lo: “Barzilai, e na mo, e gue na Jérusalem. Kâ, mbi yeke mu na mo aye so kue alingbi na mo.”

Zo ti bongbingo azo 6:12

Fini ti zo ayeke hon tongana gbe ti de. Na ya ti akete lango so lo de na fini, fini so ayeke gi senge senge so, zo wa laa ahinga ye so ayeke nzoni ndali ti lo? Ye so ayeke si ande na peko ti lo na ndö ti sese so, zo wa laa ayeke fa peko ni na lo, zo wa?

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ezekiel 7:12

Ngoi ni alingbi awe! Lango ni aga nduru awe! Ayeke nzoni zo ti vongo ye akai ngia ti lo, zo ti kango ye aduti na vundu pepe, ngbanga ti so ngonzo ti mbi ti wâ ayeke londo na tere ti azo ti kodro ni kue.

Nzoni Tënë so Luc asu na mbeti 14:20

Mbeni atene ti lo: ‘Mbi mu wali gi fafadeso, mbi lingbi ti gue pepe.’

1 Korente 7:28

Me tongana mo mu wali, so ayeke siokpari pepe. Tongana mbeni maseka-wali amu koli, so ayeke siokpari pepe. Me azo so amu koli wala wali, ala yeke na nengo kungba na ndö ti go ti ala; mbi ye si ala yo kungba ni pepe.

1 Korente 7:30

Azo so ayeke toto, alingbi ala duti tongana ti so ala yeke toto fade pepe. Azo so be ti ala ayeke na ngia, alingbi ala duti tongana ti so be ti ala ayeke fade na ngia pepe. Azo so ayeke vo ye, alingbi ala duti tongana ti so ala yeke fade na ye pepe.

1 Korente 7:31

Azo so ayeke wara anzoni ye ti dunia so, alingbi ala duti tongana ti so ala wara fade ni pepe. Biani, dunia ti fadeso, tongana ti so e yeke baa so ayeke hon hongo.

1 Pierre 1:24

Tongana ti so Mbeti ti Nzapa atene: “Azo ayeke tongana pere, pendere ti ala ayeke tongana kongo ti ngonda. Pere ni ayeke hole si kongo ni ayeke ti,

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Jean 2:17

Dunia so ayeke hon, aye so zo ayeke sara nzara ni nga ayeke hon; me zo so asara ye so be ti Nzapa aye, fade lo yeke ngba na fini kpu na kpu.