1 Korente 7:28 - Mbeti ti Nzapa - Tënë so amu fini

²⁸ Me tongana mo mu wali, so ayeke siokpari pepe. Tongana mbeni maseka-wali amu koli, so ayeke siokpari pepe. Me azo so amu koli wala wali, ala yeke na nengo kungba na ndö ti go ti ala; mbi ye si ala yo kungba ni pepe.

1 Korente 7:28 ပူးပေါင်းရင်းမြစ်များ

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

1 Korente 7:26

Ti be ti mbi, mbi tene: tongana zo aduti gi lo oko, so ayeke nzoni ndali ti so gigi ni aga ngangu fadeso awe. Taa-tënë, mbi baa ti mbi, mbi tene, ayeke nzoni zo aduti gi lo oko.

1 Korente 7:27

Mo mu wali awe? Mo gi ti kangbi na lo pepe. Mo de ti mu wali pepe? Mo gi ti mu wali pepe.

1 Korente 7:29

A-ita, tënë so mbi ye ti tene ayeke so: ngoi angba mingi pepe. Ti fadeso, akoli so ayeke na wali, alingbi ala duti tongana ti so ala yeke fade na wali pepe.

2 Korente 1:23

Mbi tene taa-tënë, Nzapa ayeke ma mbi. Tongana mbi tene mvene, ayeke nzoni Nzapa afâ mbi! Mbi zia lege ti kiringo na Korente, ngbanga ti so mbi ye ti sara pasi na ala pepe.

Ahebro 13:4

Alingbi azo kue ane tënë ti mungo tere ti koli na wali. Alingbi koli abata tere ti lo gi ndali ti wali ti lo si wali abata nga tere ti lo gi ndali ti koli ti lo, ngbanga ti so fade Nzapa ayeke fâ ngbanga na li ti azo ti sarango aye ti ndumba nga na azo so ayeke gi akoli wala awali ti amba ti ala.