1 Korente 7:24 - Mbeti ti Nzapa - Tënë so amu fini

²⁴ A-ita, alingbi zo oko oko angba na lege ti dutingo ti lo na le ti Nzapa tongana ti so lo yeke na ni na ndembe so Nzapa airi lo.

1 Korente 7:24 ပူးပေါင်းရင်းမြစ်များ

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Matthieu 12:45

Tongaso lo gue, lo mu ambeni yingo mbarambara so ayeke sioni ahon lo; lo na ala aga ali na ya ti da ni si aduti daa. Na pekoni, dutingo ti zo so ayeke ga sioni ahon ti kozoni. Ye so ayeke si ande na azo ti sioni ti fadeso laa.”

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Korente 7:17

Ti tanga ti azo ni, alingbi zo oko oko angba na lege ti dutingo ti lo so *Kota Gbia amu na lo, alingbi lo ngba na lege ti dutingo ti lo ni na ndembe so Nzapa airi lo. Ye so mbi yeke mu yanga daa na *a-Eglize kue laa.

1 Korente 7:20

Alingbi zo oko oko angba na lege ti dutingo ti lo tongana ti so lo yeke na ni na ndembe so Nzapa airi lo.

1 Samuel 14:45

Me aturugu atene na Saul: “Jonatan so asara si azo ti Israel aso benda so, fade lo yeke kui biani? Tongana e fâ lo, so ayeke sioni ye mingi. KOTA GBIA ayeke na fini! E yeke yeda titene kua ti li ti Jonatan oko ati na sese pepe, ngbanga ti so lo na Nzapa laa asara ye so laso!” Tongaso aturugu asoo Jonatan na ya ti kuâ.