1 Korente 7:23 - Mbeti ti Nzapa - Tënë so amu fini

²³ Nzapa avo ala na kota ngere; ala kiri aga ngbaa ti azo pepe.

1 Korente 7:23 ပူးပေါင်းရင်းမြစ်များ

Awayango-sandaga 25:42

Biani, azo ti Israel so mbi mu ala na sese ti Ezipte si mbi sigigi na ala, ala yeke azo ti kua ti mbi: a lingbi ti ka ala tongana ti so a yeke ka angbaa pepe.

Matthieu 6:24

“Zo oko alingbi ti sara kua na amakonzi use pepe, ngbanga ti so fade lo yeke ke mbeni oko si lo yeke ye mbeni; lo yeke ma yanga ti mbeni oko si lo yeke baa mbeni na le ti lo tongana senge zo. Ala lingbi ti sara kua na Nzapa nga na nginza legeoko pepe.”

Awatokua 20:28

Ala sara hange na lege ti dutingo ti ala, ala bata nzoni ataba so Yingo-Vuru azia na maboko ti ala. Ala bata nzoni azo ti Eglize so Nzapa asoro ala na lege ti mene ti molenge ti lo.

1 Korente 6:20

Nzapa avo ala na kota ngere. Tongaso ala mu tere ti ala ti gonda na Nzapa.

Galasii 2:4

Me ambeni ita ti mvene ali na popo ti e tongana azo ti nzi, ala ye titene a fâ Tite na ganza. Ala ga ti gi ti hinga lege ti dutingo ti e na peko ti so e sigigi na gbe ti ngbaa si e ga oko na Christ. Ala ye ti kiri ti sara e na ngbaa.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.