1 Korente 7:22 - Mbeti ti Nzapa - Tënë so amu fini

²² Biani, zo so ayeke ngbaa si Kota Gbia airi lo, andaa Kota Gbia azi lo na gbe ti ngbaa ni awe. Zo so ayeke ngbaa pepe si Kota Gbia airi lo, lo ga ngbaa ti Christ awe.

1 Korente 7:22 ပူးပေါင်းရင်းမြစ်များ

Abia (Psaumes) 116:16

KOTA GBIA, mbi yeke zo ti kua ti mo, mbi yeke zo ti kua ti mo; mama ti mbi ayeke ando zo ti kua ti mo. Mo laa mo fâ ya ti akamba so akanga mbi.

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

1 Korente 7:21

Mo yeke ando ngbaa si Nzapa airi mo? Mo gi be ti mo daa pepe. Me tongana lege ti sigigi na gbe ti ngbaa ni ayeke daa, ayeke nzoni mo sigigi.

1 Korente 9:19

Mbi yeke ngbaa ti mbeni zo oko pepe; me mbi sara tere ti mbi ngbaa ti azo kue ti gi lege ti wara azo mingi.

1 Korente 9:21

Tongana mbi yeke na popo ti azo so ayeke na gbe ti Ndia ti Moïse pepe, mbi yeke sara ye tongana zo so ayeke na gbe ti Ndia ni pepe. Mbi sara tongaso ti wara azo so ayeke na gbe ti Ndia ni pepe. Andaa mbi ke ndia ti Nzapa pepe, ngbanga ti so mbi yeke sara ye alingbi na ndia ti Christ.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Galasii 5:1

Christ azi e awe titene e sigigi na gbe ti ngbaa biani. Tongaso, ala luti ngangu! Ala yeda titene a kiri na ala na gbe ti ngbaa pepe!

Galasii 5:13

Ala a-ita, Nzapa airi ala titene ala sigigi na gbe ti ngbaa. Gi ye oko, ayeke nzoni sigingo na gbe ti ngbaa ni aga mbeni ye titene ala luti na ndö ni ti sara aye alingbi na asioni nzara ti be ti ala pepe. Me na lege ti ndoye, ala sara kua na amba ti ala na popo ti ala.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

Philémon 1:16

Ti fadeso, lo yeke gi ngbaa pepe, me lo hon ngbaa awe; lo yeke ita so e ye lo mingi. Mbi ye lo ahon ndoni, mo nga, fade mo yeke ye lo ahon ndoni, ngbanga ti so lo yeke mba ti mo zo si lo yeke nga mba ti mo, zo ti *Kota Gbia.

1 Pierre 2:16

Ala sara ye tongana azo so asigigi na gbe ti ngbaa; me alingbi sigingo ti ala na gbe ti ngbaa ni aga mbeni ye ti kanga ndö ti sarango sioni ye pepe, me ala sara ye tongana angbaa ti Nzapa.

2 Pierre 1:1

Mbi Simon Pierre, zo ti kua nga na *watokua ti Jésus Christ, mbi tokua mbeti so na azo so awara gi oko mabe ti kota ngere tongana e. Ala wara ni na lege ti mbirimbiri ti Jésus Christ, lo so lo yeke Nzapa ti e na Wasongo e.

Jude 1:1

Mbi Jude, zo ti kua ti Jésus Christ, so mbi yeke nga ita ti Jacques, mbi tokua mbeti so na azo so Nzapa Babâ airi ala, azo so lo ye ala si Jésus Christ ayeke bata ala.