1 Korente 7:2 - Mbeti ti Nzapa - Tënë so amu fini

² Me ti sara si azo agi wali wala koli kirikiri pepe, ayeke nzoni koli oko oko ayeke na wali ti lo si wali oko oko ayeke na koli ti lo.

1 Korente 7:2 ပူးပေါင်းရင်းမြစ်များ

Amato 18:22

Zo so awara wali, andaa lo wara nzoni ye; so nzoni be laa KOTA GBIA asara na lo.

Amato 19:14

Na peko ti kuâ ti ala, ababâ ayeke zia da na nginza na amolenge ti ala, me KOTA GBIA laa ayeke mu wali ti ndara na zo.

Malashii 2:14

Ala hunda ndo, atene: “Ye tongaso asi ngbanga ti nyen?” – Asi ngbanga ti ye tongaso: Na dawa ti KOTA GBIA laa zo oko oko amu tere na wali ti lo ti maseka; wali ni ayeke mba ti lo, lo na wali ni aga oko na lege ti *mbuki so ayeke na popo ti ala. Me zo ni abuba lege ti mbuki ni na wali ni awe!

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

1 Korente 6:18

Ala kpe lege ti gingo wali wala gingo koli kirikiri! Atanga ti siokpari so kue zo ayeke sara ayeke ndu tere ti lo wani pepe; me zo so agi wali wala koli kirikiri, andaa lo sara sioni na tere ti lo wani.

1 Korente 7:1

Fadeso mbi yeke kiri tënë na ndö ti atënë so ala hunda na mbi na ya ti mbeti so ala tokua so. Ayeke nzoni titene koli amu wali pepe.

1 Korente 7:3

Ayeke nzoni koli asara aye so kue alingbi lo sara na wali ti lo si wali asara nga aye so kue alingbi lo sara na koli ti lo.

1 Korente 7:9

Me tongana ala yeke na ngangu ti kangango nzara ti tere pepe, ayeke nzoni ala mu wali wala koli, ngbanga ti so mungo wali wala koli ayeke nzoni ahon titene nzara ti tere ahon ndö ti ala.

Efeze 5:28

Alingbi akoli nga aye awali ti ala tongana ti so ala ye tere ti ala wani. Zo so aye wali ti lo, andaa lo ye tere ti lo wani.

Efeze 5:33

me tënë ni ayeke nga ti ala azo ti Nzapa: ayeke nzoni koli oko oko aye wali ti lo tongana ti so lo ye tere ti lo wani si wali oko oko akpe koli ti lo.

1 Tesalonike 4:4

Ayeke nzoni zo oko oko ahinga ti mu wali na lege so ayeke nzoni kue nga na lege ti nengo tere.

1 Timothée 4:3

Azo ni so ayeke gbanzi azo ti mu wali wala koli, ala yeke gbanzi azo ti te ambeni kobe. Andaa Nzapa asara kobe titene azo ti lo so ahinga taa-tënë nzoni ate ni na mungo na lo singila.

Awafango-ngbanga 21:22

Tongana ababâ ti amolenge-wali ni wala a-ita ti ala ti koli aga ti bi tënë na li ti e, fade e yeke tene na ala, e tene: ‘Ala sara nzoni be na azo ti Benjamin si. Biani, na ngoi ti bira ti Yabesh, e wara lege pepe ti mu wali na ala oko oko kue. So ala wani laa amu awali na azo ti Benjamin pepe so, tënë ti deba ayeke na ndö ti ala pepe.’ ”