1 Korente 7:11 - Mbeti ti Nzapa - Tënë so amu fini

¹¹ Tongana wali akangbi na koli ti lo, ayeke nzoni lo kiri lo mu mbeni koli pepe, wala lo kiri lo leke songo na koli ti lo. Ayeke nzoni koli atumba wali ti lo pepe.

1 Korente 7:11 ပူးပေါင်းရင်းမြစ်များ

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

Marc 10:12

Tongana wali atumba koli ti lo si lo mu mbeni koli nde, lo sara nzi na tere ti kozo koli ti lo ni awe.”

Marc 10:2

Ambeni *farizien aga nduru na tere ti lo, ala ye ti sara si lo ti na ya ti gbanda ti ala; ala hunda lo, atene: “*Ndia ti e amu lege na koli ti tumba wali ti lo?”

Nzoni Tënë so Luc asu na mbeti 16:18

“Koli so atumba wali ti lo si lo mu mbeni nde, andaa lo gi wali ti mbeni zo awe; koli so amu wali so koli ti lo atumba lo, andaa lo nga, lo gi wali ti mbeni zo awe.”

1 Korente 7:10

Ti azo so amu wali wala koli awe, mbi yeke mu yanga so na ala (mbi laa mbi mu yanga ni pepe, me *Kota Gbia laa amu yanga ni): alingbi wali akangbi na koli ti lo pepe.

1 Korente 7:12

Ti atanga ti azo ni, mbi yeke tene tënë so na ala (tënë ni alondo na Kota Gbia pepe, me na mbi wani): tongana mbeni ita ayeke na wali so ama na be pepe si wali ni aye ti ngba ti duti na lo, alingbi lo tumba lo pepe.

Ndia ti fani use ni 22:19

Na pekoni, a yeke diko mbeni lamande na li ti lo so wungo ni alingbi na ale ti nginza ngbangbo oko; lo yeke futa ni na babâ ti maseka-wali ni, ngbanga ti so koli ni abuba iri ti mbeni maseka-wali ti Israel. Fade maseka-wali ni ayeke ngba wali ti koli ni; na lango ti fini ti lo kue, lo lingbi ti tumba wali ni oko pepe.